瀛豐放題料理專門店

营业中

休息中

第五年帮衬大闸蟹放题，以前都同前任一齐嚟食，而家就要同朋友嚟食，虽然转左新铺地方大咗，但系啲枱都系好细，老实讲，如果啲枱可以大张多少少，就算系二人位，我谂都会食得好开心，不过可惜啲枱真系好细，七点几去食个场已经全部满座，负责执枱𠮶啲员工会拉住啲车仔周围走去帮客人收返啲碟，呢一点有啲唔满意，因为架车仔好几次都拍喺我哋张枱隔离就非常之近，而其他员工就朝执枱将一啲污糟邋遢睇落非常之呕心嘅碟同碗同埋人哋食剩嘅嘢一口气车晒落个车仔度，老实讲即刻食欲大减，亦都非常之嘈，当啲碟放晒落个车仔度入面产生好大嘅噪音。当晚都见到老板落场帮手，亦见到应该系好多新员工，但缺乏服务嘅经验，呢啲咁肉酸嘅嘢唔应该放喺客人隔离，非常之倒胃口，我亦都好惊啲汁会唔会弹落去我张枱嘅食物度。大闸蟹上面冇乜问题，每一盘都新鲜热辣，食得出每一只都新鲜，之但系调味架非常之牙位，如果可以收走个调味架或者向上发展空间，咁张枱就一定可以放到更加多食物。食到咁上下想去食甜品🍮虽然地方大咗都增加多几款甜品，但啲甜品睇落都唔太吸引，雪糕我以前都好钟意食某一款，可能来 货较贵，所以而家冇再订，非常可惜。饮品上冇乜点挑剔我都净系饮茶。茶上面冇问题。