文記車仔麵 (福榮街)

营业中

休息中

一间平平无奇嘅车仔面周街都有得食，但唯独是深水埗呢间车仔面就每一日都大排长龙，到底佢有啲咩吸引，今日决定去试一试。等咗大概一个钟先有得入座，可能因为系假日，而且系晚饭时间，但食完之后我都觉得系值得嘅。我都几钟意食辣，叫咗个小辣嘅车仔面，好惹味！特别推介佢个瑞士鸡翼同埋腐乳通菜，瑞士鸡翼真系好入味好好食，通菜好新鲜唔会太腍，有咬口，而且嘢食价钱合理唔太贵，所以嗌多几个𩠌都唔使肉痛。服务员好细心，态度好好，会指示你将个袋摆喺椅子下面嘅篮，所以虽然店舖细细，坐好多人，但因为你唔使揽住个袋食饭，你会觉得舒服好多，冇咁局促。