六如

营业中

休息中

朋友带路，第一次嚟呢度食饭。呢度系食新派中菜，装修几得意，枱头放咗个用积木砌嘅招财猫对住你食饭。青芥豆金沙鲜鱿皇纯粹睇𩠌名唔明白青芥豆系乜嘢食材，原来就系平时食零食𠮶啲硬身嘅芥辣豆，咁样放入中菜都系第一次见😅 佢嘅鲜鱿够新鲜好软身，金沙酱够香但唔咸，脆皮亦唔会太厚，几好食。手作糖山冰镇咕噜肉摆盘几靓，咕噜肉嘅肉质够幼嫩，但系个皮完全唔脆，甜酸味亦唔够，麻麻地。桃胶炖手工千丝菊花豆腐千丝菊花豆腐嘅刀工真系唔错，令到食落豆腐好有质感，糖水味道一般冇乜特别。整体嚟讲环境唔错，但系食物一般。