米気

营业中

休息中

第一个丼饭八爪鱼沙律就已经吸引晒我嘅胃口。啲八爪鱼爽脆弹牙，配埋清爽嘅沙律酱，真系开胃又唔会太腻。白饭上撒咗香软嘅明太子，令白饭更加香浓。红酒绘牛肉嘅质感啱啱好，肉质鲜嫩，再沾埋啲酱汁更加好食。最后，糯米雪糕作为甜品，清新又唔会太甜，唔知系咪用米整，所以好黏稠，烟烟韧韧。第二个丼饭帆立贝裙边沙律作为前菜，啲帆立贝鲜甜爽口，配埋沙律底酸酸尾尾，而且份量好多一啲都唔系前菜份量！南蛮炸鸡，啲鸡块炸得香脆，肉质又多汁，佢上面𠮶个酱汁非常特别，少少沙律酱加埋一啲洋葱粒，中和左炸鸡嘅油腻。 不过沙律酱都偏浓郁。 所以食几旧真系够饱啦！最后，茶碗蒸蛋作为结尾，滑嫩细腻，里面嘅材料都好多，仲有平时都冇乜嘅鳗鱼。 总括黎讲，呢间饭真系值得一试！我估佢个名叫米气所以整嘅嘢都关米事！ 饮品系黑糖米水，个人认为偏甜。 然后雪糕又系米整嘅。整体来讲几有特色，午餐嘅Menu价钱都尚算可以。