星星 Pho Cha

营业中

休息中

星星Pho Cha(22/6) 星期三 晚上7点左右特式：呢间韩国野应该系我人生食过最难食既韩国野，系几大份抵食，但唔好食就免费都系假。食物：甜辣炸鸡 - 88蚊，佢个酱料味道系ok的，炸粉都唔厚，但一夹就皮还皮鸡还鸡咁散开，d鸡件又骨比较多，但成餐最好食已经系呢样野。泡菜饼 - 98蚊，成旧水食一个港式酒楼薄罉，睇相都见到完全无泡菜，系连泡菜味都无，净系得个颜色似泡菜，成餐对呢个泡菜饼最不满。烤辣酱五花肉餐盘 - 58蚊，呢个价钱有成个set就真系无得太挑剔，但都真系唔好食，仲衰过茶餐厅碟头饭。环境：餐厅环境好细同迫，当日平日晚市系爆场既，所以又嘈又多人行嚟行去，条路又窄，环境唔系咁理想。服务：服务态度麻麻，见到职员都忙，所以都无乜时间理你，问佢攞外卖盒转头就忘记，又要再叫过。价钱：人均大约200左右。总结：一定唔会再去，真心系食过最差既韩国野，系大份既，叫左3样野2个人都食唔晒，仲要打包，但打包左返去摆左两日，谂返咁难食结果都无食掉左，咁就算免费都无用。