Saravanaa Bhavan (已搬遷) 新店位置

呢排比较想健康啲，就想试吓唔同嘅素食，唔好以为素食净系会好清，呢一间比印度人较多元化因为系印度菜! 我同朋友两个放工嚟，虽然已经坐得几满，但好彩都唔使等位！而呢度嘅侍应全部都系所以感觉都好正宗，佢哋仲会识少少广东话添㗎。我地就叫咗三个菜同埋一杯嘢饮: 1) 特制萨拉维亚套餐 有好多唔同汁嘅选择，仲有配白饭同埋薄饼。咖喱有少少辣不过都接受得到，有啲系洋葱汁同埋好似系牛油果汁，酸酸甜甜地咁，都几特别。如果有选择困难症嘅朋友可以食下呢一个，因为有好多唔同嘅选择都可以俾你dip，唔使下下净系食咖喱咁浓味。2) 魔鬼辣薯仔呢一道菜都几辣，如果唔食得辣嘅朋友不建议试。但佢嘅薯仔炸得好脆，好有口感！成个味道有少少似平时四川麻辣嘅菜咁，唔似印度菜。3) 玛沙拉牛油杂菜呢一个杂菜其实系一个咖喱制成嘅，个咖喱底好好食，唔太辣又热辣辣咁上，加埋少少薄饼一齐食简直系正！佢嘅杂菜主要系豆，所以钟意食豆嘅朋友仔不妨一试！4) Mango Lassi同平时出边饮开嘅味道差唔多，酸酸甜甜，可以中和返食咖喱嘅辣！