影片
更多
2015-10-02
172 浏览
好早年每朝会系度买炒面食，因为用油纸包会索晒所有多余油份及水蒸气，唔会湿淋淋，面质咽韧弹牙又好味！之后转左用发泡胶盒仲要加一蚊，品质即时一落千丈，就无再买炒面食喇﹗以前都有 lunch 帮衬三送饭，但每次都系越食越颈渴，最后都放弃。依家事隔三四年后，再黎试吓佢既三𩠌啦。金针云耳蒸鸡、梅子蒸排骨、鱼香茄子、蒜蓉西兰花，净四𩠌够饱喇。蒸鸡同排骨都超油，油浸一样，鸡皮本身都出油，再加鱼香茄子，油上油，菜就劲索油架啦，搞到连西兰花都油埋。不过奇怪地劲爽口㖞，而且鲜甜充满水份，秘传烹调法？蒸鸡全部都系鸡翼、鸡翼尖，仲要斩件细细旧骨杉杉，讨厌。鸡皮滑、肉干、油淋淋，味道可以。亁硬鞋排骨有肉味，骨多肉少，梅子味开胃，个汁太厚太杰喇。鱼香茄子味道真系好惹味香口，但茄汁索油力超强，一夹起直头滴油呀！哗，索油之旅！有半盒都系油黎架，近来油价大跌？本身 HKD26 蚊包个例汤，今次阿姐侧侧膊连汤都无比我，过份呀！我最钟意饮汤，例汤都唔会放过架！
好早年每朝会系度买炒面食，因为用油纸包会索晒所有多余油份及水蒸气，唔会湿淋淋，面质咽韧弹牙又好味！之后转左用发泡胶盒仲要加一蚊，品质即时一落千丈，就无再买炒面食喇﹗以前都有 lunch 帮衬三送饭，但每次都系越食越颈渴，最后都放弃。依家事隔三四年后，再黎试吓佢既三𩠌啦。
金针云耳蒸鸡、梅子蒸排骨、鱼香茄子、蒜蓉西兰花，净四𩠌够饱喇。蒸鸡同排骨都超油，油浸一样，鸡皮本身都出油，再加鱼香茄子，油上油，菜就劲索油架啦，搞到连西兰花都油埋。不过奇怪地劲爽口㖞，而且鲜甜充满水份，秘传烹调法？
蒸鸡全部都系鸡翼、鸡翼尖，仲要斩件细细旧骨杉杉，讨厌。鸡皮滑、肉干、油淋淋，味道可以。亁硬鞋排骨有肉味，骨多肉少，梅子味开胃，个汁太厚太杰喇。鱼香茄子味道真系好惹味香口，但茄汁索油力超强，一夹起直头滴油呀！
哗，索油之旅！有半盒都系油黎架，近来油价大跌？本身 HKD26 蚊包个例汤，今次阿姐侧侧膊连汤都无比我，过份呀！我最钟意饮汤，例汤都唔会放过架！
张贴
