煎餅廚房

营业中

休息中

红磡而家开咗好多小吃店, 之前睇过食评对呢个煎饼有啲兴趣, 难得未到饭点就肚饿, 终于有机会试下喇。。。店舖位于芜湖街转角位不难找, 星期日下午5点几黎无乜人, 叫咗个北京烤鸭煎饼, 店员问需唔需要加薄脆, 加咗会口感好啲, 咁推介当然加埋试试啦～店舖无堂食位, 点餐俾钱完钱就出门口等, 店舖采用玻璃厨房式, 等待时间可以清楚见到店员整饼情况。 现场只有2-3人等, 大约5分钟就有得攞喇~份量比我想像中大件, 本身有点肚饿既我谂住买其他小食, 最后见到咁大件就放弃咗呢个念头了。煎饼里面算系好足料满满既鸭肉同青瓜, 加咗薄脆我觉得成件事系加咗分, 薄脆其实系似平时食蛇羹时会加嘅脆脆, 我谂咁大件如果无加薄脆同青瓜会觉得有点太多肉。 个人觉得多少少甜面酱同青瓜爽口啲会更加好。 女仔黎讲, 食完系会饱既, 加埋饮品应该可以当一餐了。