牛惣居酎屋

营业中

休息中

临近新年，又系办年货行年宵既时间，自然喺铜锣湾揾好野食，记得之前朋友介绍有间唔错既串烧居酒屋喺灯龙街，一于去试下。餐厅装修非常和风，气氛好正，职员亦好细心介绍食品，选择种类亦好多。海胆先叫左个海胆做头盘，鲜甜白子用酸汁加上香葱，白子既鲜味已经好出，食完劲想Encore。牛肋条开始串烧部份，牛肋条牛味浓郁，每咬一啖都充满肉汁，必叫之选。牛肝本身比较少食牛内脏，但见有牛肝于是试下佢，口感有啲似鹅肝，粉嫩唔太干。牛心牛心就偏爽口，一口size啱啱好。牛骨髓好滑好Creamy，本身比较软身，师傅拮住再烧仲要冇变型，好考功夫。烧饭团明太子饭粒烧过会脆啲硬啲，有啲似饭焦口感，加上明太子咸香，送酒一流。秋葵烧完之后冇咁滑潺潺，亦唔会太干。多春鱼 热辣辣脆卜卜，由头到尾都食得，好有惊喜。鸡肉大葱串鸡肉嫩滑，大葱吸收晒酱汁，味道鲜甜好吃。自家制豆腐(油扬)外脆内软，配上特别酱汁，食过番寻味。