影片
更多
2024-08-25
2876 浏览
虽然不时都有嚟荔枝角一头食嘢，但去D2 Place比较多，「亿利」都好耐无嚟过。其实我都几钟意啲厂厦度揾食，平靓正之余，有时又有啲惊喜。今晚就同住晌附近嘅老表嚟聚一聚，揾间平靓正嘅餐厅，搜索吓「黑布小巷」睇嚟唔错㖞，风平不俗，台湾嘢又啱我哋。推门内进，餐厅环境一眼睇晒，装修简单，好有厂厦嘅食堂风。虽然疫情过去，但中间一排位仍然有胶板隔住，其实我都觉得OK嘅，纯粹同老表两个，又唔会被隔离枱骚扰，又感觉卫生好多。大大本餐牌，列齐所有食物：吐司、手工卤肉饭、牛肉面、蛋饼、自家制三色圆、养生茶饮……等等，图文并茂，清清楚楚，而且，右上角更会标明供应时间，基本上唔会点睇错。落单方面采用二维码，更方便嘅喺可以即时俾埋钱，如无电子支付，食完晌柜台俾钱都得。此外，更有可以反映意见嘅二维码，感觉店家都有心做好啲。见定价唔贵，就一口气落单嗌咗吐司 、蛋饼、便当，并加配一款小食同两杯饮品，夹夹埋埋都喺二百松少少。夜市虾卷 +$28点主食有加配小食嘅优惠，就以呢个虾卷为例，散点原价$38，依家加电就平$10，同样一客有3条。虽然咬落唔喺脆口𠮶种，里面软软腍腍，又有少少弹牙感，好有虾鲜味，沾上少少甜酸酱，几唔错
推门内进，餐厅环境一眼睇晒，装修简单，好有厂厦嘅食堂风。虽然疫情过去，但中间一排位仍然有胶板隔住，其实我都觉得OK嘅，纯粹同老表两个，又唔会被隔离枱骚扰，又感觉卫生好多。
大大本餐牌，列齐所有食物：吐司、手工卤肉饭、牛肉面、蛋饼、自家制三色圆、养生茶饮……等等，图文并茂，清清楚楚，而且，右上角更会标明供应时间，基本上唔会点睇错。
落单方面采用二维码，更方便嘅喺可以即时俾埋钱，如无电子支付，食完晌柜台俾钱都得。此外，更有可以反映意见嘅二维码，感觉店家都有心做好啲。
见定价唔贵，就一口气落单嗌咗吐司 、蛋饼、便当，并加配一款小食同两杯饮品，夹夹埋埋都喺二百松少少。
夜市虾卷 +$28点主食有加配小食嘅优惠，就以呢个虾卷为例，散点原价$38，依家加电就平$10，同样一客有3条。虽然咬落唔喺脆口𠮶种，里面软软腍腍，又有少少弹牙感，好有虾鲜味，沾上少少甜酸酱，几唔错㖞。
慢烤鸡腿芝士蛋吐司 $56本来想试试黑松露焦糖洋葱大啡菇蛋吐司，可惜卖晒，所以就试咗呢一款慢腿烤鸡吐司，睇样就见好足料，拿上手亦感到好重秤。一口咬落去，多士烘得脆口，里面嘅芝士爆晒馅，加埋件煎蛋流晒蛋浆，鸡腿亦都好嫩滑，而且，唔好睇少只喺一份吐司，其实甚饱肚。
慢烤鸡腿芝士蛋吐司
$56
40 浏览
0 赞好
0 留言
芝士火腿肉松蛋饼 $42蛋饼喺我哋想试嘅目标之一，平时晌茶记食火腿蛋就食得多，但呢个加埋芝士、肉松嘅蛋饼，感觉就自截然不同。先喺啲蛋饼煎得够嫩滑，口感软熟，入口极富蛋香，卷住溶透嘅芝士同咸咸哋唔喺平价货色嘅火腿，面头唧咗啲咸咸甜甜嘅酱汁，又洒满肉松，食味极佳。
芝士火腿肉松蛋饼
$42
228 浏览
0 赞好
0 留言
手工卤肉鸡扒便当 $69怕一件吐司加一份蛋饼，两个大男人唔够食，就落埋个便当，实际吐司跟蛋饼都已经叫人几饱肚吓，唔紧要，由小弟做番晚包底王。讲返𠮶便当
，查实都好够份量，饭面有两大件盐酥鸡扒，下面仲有一大堆卤肉、粟米粒、辣冬菜、椰菜、粉丝、卤蛋，所以，净喺𩠌料都已经非常之丰富，整体味道确喺唔错，鸡扒炸得酥香不腻，卤肉香浓有油脂香，食埋个饭，质喺饱到顶心口。
桂花乌龙茶 +$12、自家煲制冬瓜茶 +$9饮品同样有加配优惠，老表就拣咗个桂花乌龙茶，乌龙茶底几清香，但桂花味比较隐若少少，而小弟嘅冬瓜茶就既清润，又消暑，甜度啱啱好。
本来都打算食番个台式三色圆作结，不过，一来都已经好饱，二来啲甜品已经沽清，想食都无呀！虽然由店员送餐，但餐厅唔收加一，侍应妹妹都好殷勤，一个人撑晒成个场，劲呀！
张贴
