喜記蟹將軍 (iSQUARE國際廣場) (已搬遷) 新店位置

呢日黎到尖沙咀同一班亲戚食饭，亲戚预先订咗呢间喜记，因为餐厅𠮶边打咗疫苗嘅关系，所以可以六人一枱，我哋都好耐冇试过六个人一枱坐埋一齐出街食饭～我哋叫咗好多嘢食，分别有金牌牛肋骨、蒜蓉粉丝蒸龙虾、蒜蓉粉丝蒸蛏子皇、油浸水浸蚬、椒盐骨、蒜蓉炒菜心、避风塘炒蟹！真系超级丰富金牌牛肋骨睇样都觉得佢够香脆，估佢唔到咁入嚟，同埋够一人食到一条！肉质又唔会太un! 啱啱好，好好食！蒜蓉粉丝蒸龙虾，真系有超香嘅蒜蓉味，估佢唔到啲龙虾咁鲜甜弹牙！真系食到停唔到口！蒜蓉粉丝配海鲜基本上系冇得输，所以我哋再要叫埋蒜蓉粉丝蒸蛏子皇！蛏子皇超大只，配上大量嘅蒜蓉粉丝都唔会掩盖左蛏子皇嘅鲜味～蒸得啱啱好！唔会整得过火！油盐水浸蚬就够晒鲜甜，啲蚬完全冇沙，估佢唔到咁鲜甜，又有好多粉丝，吸晒啲蚬嘅鲜甜味，真系好正！椒盐骨够晒啖啖肉，吸埋个骨头d肉汁简直系Perfect！蒜蓉炒菜心都好够镬气，炒得啱啱熟！又唔会太淋！最后系重头戏嘅避风塘炒蟹！size同份量都十足，配上避风塘上面嘅炸蒜，够晒香口！另外蟹嘅肉质够紧实，有够鲜甜！真系想再食多次！