鳥海山鐵板燒

营业中

休息中

我发觉依家喺香港食饭，平咗好多，唔知系咪因为经济差嘅原因。 呢间新开嘅铁板烧，做紧套餐有四款刺身，龙虾，鲍鱼，鹅肝呢啲高质嘅食材，都系$600一个人左右。如果系以前，冇$1000一个人都落唔到楼。 呢 4款刺身，都好鲜味，由淡到浓味咁食，最后系烟熏嘅刺身鱼。跟住就开始食铁板烧。 首先食一个烧鲍鱼，师傅用大量嘅牛油，煎到个鲍鱼好香，有少少焦面。 再切到一片片，好易入口，唔会好韧。。 跟住就到龙虾。系原只龙虾，好多肉。 啲肉质唔霉，好新鲜弹牙。好惊喺出面食龙虾。 会食到啲腍啤啤，冇咬口嘅龙虾肉。 职员仲叫我哋可以撩埋个壳入面𠮶啲龙虾肉，都有唔少肉！ 跟住就到每个人都会钟意食嘅鹅肝多士。都唔使点样评论，一定系好食㗎。多士就煎到好脆，鹅肝就就好嫩，入口即溶。 呢个系香葱和牛卷，葱嘅份量好多，牛肉牛味都好浓，好食跟住就到一碗面豉汤同埋炒饭，同埋炒杂菜，其实而家已经食得好饱。 所以呢三样我哋都食唔晒。