望月軒

营业中

休息中

平日因工作关系经常港澳两边走，返到香港既时间已经夜晚七、八点，所以有时候系港澳码头既「澳门美食街」食饭，自己比较喜欢街尾既望月轩，而今日就同女友去望月轩「饮𠮶茶，叹𠮶包」。- 炸虾多士多士两边酿上芝麻再干炸，芝麻香出晒黎，味道香口之余唔油腻。入面馅料系虾胶，不过个人希望馅料再厚啲。- 煎虾米肠粉肠粉煎得够脆，酿上甜酱麻酱已经好惹味👍🏻。- 原笼马拉糕质感几松软，食落唔黏牙，蛋味几香。- 香煎萝卜糕萝卜糕系我饮茶必叫既点心，每间酒楼既萝卜糕味道大同小异，最紧要系唔好一夹就散同好粉，望月轩既萝卜糕完全冇以上既问题。- 瑶柱赛螃饺入面有瑶柱丝、冬菇粒、粟米粒等等，口感丰富，不过唔系好觉赛螃蟹既存在😅。- 四川担担面面条相当幼细，汤无咩麻味，份量适中。总结而言，除咗一般点心外，望月轩亦提供四川美食。价钱有啲贵，不过食物质素对得住呢个价位，服务亦非常殷勤。