泰海鮮 (已結業)

久不久去一去三圣食海鲜好似系一个传统咁，由于平靓正嘅关系真系唔使谂好多，就会去食。好似今次父亲节同爸爸庆祝我哋谂唔到食乜，于是三圣就最稳阵选择。海鲜人人爱，基本上你唔系海鲜敏感就一定钟意嚟呢度食饭。唔知大家知唔知三圣邨其实有好多餐厅我哋次次都系买海鲜嚟，今次非常之懒，第一次无买海鲜，直接喺三圣邨嘅太海鲜叫睇吓乜嘢水准。上次喺西贡食过一次大大只嘅濑尿虾感觉麻麻地，今次系度食番泰式香茅濑尿虾，呢个好正。海鲜汤同平时一样嘅火喉，不过今日海鲜好似少咗啲，平时会有大大只嘅赖尿虾，今日又好似冇乜，不过个汤然后甜好鲜味。豉油皇鲍鱼调味上唔系好特别，但系那种烟韧，完美得很。我平时唔系好食辣，所以呢个辣油煮花螺真系唔系好识得，因为辣得太紧要，花螺完全索晒所有辣油，味道香。讲开辣酒煮花螺，就要必讲跟住呢个白酒忌廉煮花甲乌冬底，点解呢，因为呢个忌廉乌冬虽然出名 但系我会觉得攞个乌冬嚟捞过花螺辣油会好完美，我虽然怕啦但系因为个忌廉汁沟淡咗个辣油，个味道就会啱啱好。当然唔可以唔提，花甲好大粒，好食。油盐焗奄仔蟹刚好时候，非常之正。黑椒姜葱桶蚝煲，冇影相，但系足料又够味。呢个绝对系食海鲜嘅老地方，来一下，没有错。