影片
更多
2017-12-21
228 浏览
经常系街见到呢间老川皇，好似油尖旺区都已经有三间，专门食辣野！成日谂住揾班辣妹一齐嚟试下，今日终于揾到机会，约咗个friend一齐嚟食lunch！见到佢嘅午市套餐真系超抵，五六十元一个套餐，忍唔住都叫咗一客，酸菜鱼套餐除咗一锅酸菜鱼之外，仲有一碗好大碗嘅酸辣粉条！东北酸辣粉条非常之正宗，呢啲好似系大陆先食到嘅味道，香港一般米线舖系绝对不能媲美，酸菜鱼味道都好好，而且啲鱼非常滑。跟住我哋就散叫咗凉拌手拍青瓜、酸菜爆猪肚、孜然鱿鱼酥，个鱿鱼分量十足，孜然粉嘅香味非常攻鼻！最啱送啤酒，加上啲嘢食真系几辣，搞到我哋两个女子竟然系中午时分队左两支啤酒！隔离枱有个大叔见到我哋两个女子竟然又队啤又食咁多碟，好好奇咁望住我地好多次！但系我哋最后都加左一碟韭菜蒸饺，佢见到真系眼都突埋。两个人又飮🍻又食咁多野，埋单都系三百几！呢间系绝对会回头的一间小店！
见到佢嘅午市套餐真系超抵，五六十元一个套餐，忍唔住都叫咗一客，酸菜鱼套餐除咗一锅酸菜鱼之外，仲有一碗好大碗嘅酸辣粉条！东北酸辣粉条非常之正宗，呢啲好似系大陆先食到嘅味道，香港一般米线舖系绝对不能媲美，酸菜鱼味道都好好，而且啲鱼非常滑。
跟住我哋就散叫咗凉拌手拍青瓜、酸菜爆猪肚、孜然鱿鱼酥，个鱿鱼分量十足，孜然粉嘅香味非常攻鼻！最啱送啤酒，加上啲嘢食真系几辣，搞到我哋两个女子竟然系中午时分队左两支啤酒！
隔离枱有个大叔见到我哋两个女子竟然又队啤又食咁多碟，好好奇咁望住我地好多次！
但系我哋最后都加左一碟韭菜蒸饺，佢见到真系眼都突埋。
两个人又飮🍻又食咁多野，埋单都系三百几！呢间系绝对会回头的一间小店！
张贴
