蝦麵店 (海光街) (已搬遷) 新店位置

好耐冇同朋友夜晚出去食饭，上网睇咗呢间面店。好耐都冇试过所以决定试吓，去到海光街，行到去街尾先揾到。一入到去老板已经好有善，朋友着白色衫佢仲比条餐巾佢遮住。我哋一坐低叫咗三个面，唔使好耐就马上上咗菜。喇沙汤底好浓，非常rich加埋啲鱼片一齐食，真系好好食。朋友食嘅辣味虾汤同埋猪骨汤都好正虽然个猪骨汤比较咸，但系个味好浓郁。绝对会返转头再食，听老板讲佢哋会再开分店，好期待佢再开多啲分店咁就可以周围去食。