漁火海鮮刺身火鍋

营业中

休息中

朋友话铜锣湾新开左间打边炉，虽然呢个冬天唔冻，但食打边炉都系冬季首选。铜锣湾C出口过马路就系，非常方便。搭lib上到8楼，一出lib门见到干净企理的装修，顿时心情明亮。侍应非常客气同热情，主动介绍特色菜品，同我地有说有笑，心情更好啦。看看菜单，菜品十分丰富，足足两版。侍应推介炖汤系招牌。我地拣左『花胶响螺炖猪尾』真系招牌冇拣错！侍应话一定要先饮汤后打边炉，因为啲汤好鲜，仲非常客气地帮我地笔汤，服务周到！汤好浓味，一上桌已经飘香四溢。老板话啲汤系真材实料煲出来，冇落味精。老火靓汤鲜美可口，饮完一啖仲想饮，喺现在呢个咩都偷工减料的社会真系好难得。汤底材料丰富，鸡脚、响螺、猪尾一大煲，光是饮汤已经够饱！FB签到同分享即送一碟『三文鱼刺身』刺身够新鲜，仲另外配一碟芥末豉油蘸料，用心。火锅调味料齐全「鲜鹅肠」白白净净，晶莹透亮，睇落非常新鲜。浸水后缩水得厉害，但食落很脆不塞牙。蘸酱料更好味。「麻辣溏心皮蛋」成日食糖心蛋，溏心皮蛋应该都唔错。摆盘精致，皮蛋上洒满芝麻，但对我地来讲太辣，钟意四川菜的朋友可以一试。「响铃」打边炉必叫。呢间响铃都炸得唔错，有猪油香，唔腻唔会太油，满意。「珊瑚蚌」个样好靓