影片
更多
2018-07-15
447 浏览
和老人家去午饭，多数都系去饮茶，因为佢哋唔惯食西式或其他地方嘢食。又因为，佢哋系要有茶和饭落肚，先至觉得舒服。不过，我始终唔多钟意去饮茶，因为大多数酒楼都好嘈，服务员招呼又唔好，茶芥收费往往每人收廿蚊，仲要加一，三个字讲完: 唔值啰!今日决定破破格，转下口味，接埋班老人家去荃湾广场呢间主打福建菜的菜馆食午饭，希望可以改收变佢哋嘅思想，出家食饭唔一定要去酒楼。菜馆设在商场4/F，环境阔落开扬，楼底又高，倾计讲嘢唔怕嘈。坐6人圆台仲有落地玻璃 view 添，老人家不知几开心。老人家出街食饭另一要求系要大件夹抵食。呢种想法，唔系因为荷包无钱，而系节俭系美德，系 built-in 咗入DNA，唔易改变。节俭呢家嘢我都晓，DNA 嚟㗎嘛，遗传晒俾我啦。所以食个6人头等午市套餐，$598，连埋两个小食合共有12样嘢，包茶水，免加一，合晒你合尺啦，老豆!先来5个前菜小食。【1: 脆紫菜】系送的。好香脆。【2: 酸辣椒、木耳】木耳爽口，青辣椒仔经腌过，所以有少少酸味，加上有柠檬丝，整个小食非常开胃。【3: 水晶猪蹄冻】有丰富骨胶原，老人家多数有关节毛病，这个小食啱晒佢造哋。造成一粒粒立方体，挟起来都好
今日决定破破格，转下口味，接埋班老人家去荃湾广场呢间主打福建菜的菜馆食午饭，希望可以改收变佢哋嘅思想，出家食饭唔一定要去酒楼。
菜馆设在商场4/F，环境阔落开扬，楼底又高，倾计讲嘢唔怕嘈。坐6人圆台仲有落地玻璃 view 添，老人家不知几开心。
老人家出街食饭另一要求系要大件夹抵食。呢种想法，唔系因为荷包无钱，而系节俭系美德，系 built-in 咗入DNA，唔易改变。
节俭呢家嘢我都晓，DNA 嚟㗎嘛，遗传晒俾我啦。所以食个6人头等午市套餐，$598，连埋两个小食合共有12样嘢，包茶水，免加一，合晒你合尺啦，老豆!
先来5个前菜小食。
【1: 脆紫菜】
系送的。好香脆。
【2: 酸辣椒、木耳】
木耳爽口，青辣椒仔经腌过，所以有少少酸味，加上有柠檬丝，整个小食非常开胃。【3: 水晶猪蹄冻】
有丰富骨胶原，老人家多数有关节毛病，这个小食啱晒佢造哋。造成一粒粒立方体，挟起来都好方便，配埋菊花茶都几夹。
【4: 虾苗拌头水紫菜】
薄青瓜捆住一大团水紫菜，内里还有些虾皮，卖相好精致。水紫菜好爽口，加上虾皮的鲜味，又是一道好凉菜。【5: 冰浸苦瓜】
冰浸苦瓜
19 浏览
0 赞好
0 留言
点些蜜糖水，原本带少少苦的苦瓜便多了一重蜜甜味，又爽又甘又甜，好正!
如果嫌唔够味，可以点些自家制辣椒 “辣妈酱”，包你胃口大增。
【6: 大白菜炖大软豆腐】
一锅可以分到8碗，超乎老豆预期。汤味非常鲜甜，原因系有大白菜、中芹、干瑶柱、虾米等食材。老豆话: 大软豆腐咪即是我哋平时食开𠮶啲豆卜，只不过大件啲，嗦起汤嚟会多啲啰，食起嚟咪会更好味啰。咦，原来汤里面仲有6cm 长嘅哆头蛏子，赚咗!
【7: 风味松鼠鱼】
这个菜式好似在上海菜馆食𠮶啲松子鱼，都系将条鱼炸脆，然后淋个酸甜汁酱，当然唔少得系有松子啦。侍应好好人，知我哋有老人家，怕骨，便帮我哋拎条鱼入去厨房起埋骨，真窝心!
松鼠鱼外皮系脆，肉里鱼肉系好鲜嫩的，个汁酱味都唔错。
【8: 脆皮蒜香鸡】
半只鸡布满香蒜，系几香口。不过，老人家嫌佢炸得太干。我就独爱鸡翼尖，入晒味。
【9: 风味焖苦瓜】
味道唔多特出，只是普通的焖苦瓜。通常我哋食煮苦瓜系会去苦瓜籽的，这个菜较为特别，系连苦瓜籽都一齐焖，这就是风味。
【10: 黄金荷叶包】
是6个热辣辣的芝麻包和一碗香炒洋葱肉丝。
芝麻包好香脆，感觉好似上海菜的炸银丝卷。将个包㓥开。
然后，将肉丝填入包内来食，滋味无穷，老人家赞不绝口。
【11: 包菜饭】
系一个捞饭，主要系由花生粒、菜粒、葱粒和特别酱汁捞成嘅饭。有饭落肚，老人家自然开心。【12: 莲子银耳汤】
即系雪耳莲子红枣糖水，都好清润。老豆又发功: 如果出街食，6碗起码都收你$90，呢个餐12样嘢，样样都有水准，都只系收 $598，非常抵食。仲话下次可以叫埋姨妈一家人嚟开餐。
张贴
