神樂 (已結業)

又到粮头嘅时候，又到肚饿嘅时候，唔食返餐好，真系冇颜面面对明天嘅工作。嚟到金马伦道嘅尽处，有间几骨致嘅日本餐厅，原来有Omakase食，啱晒会见十二道主角之前，就由白萝卜渍物同前菜打头炮。渍物系用柚子醋腌制，食落啖啖柚子嘅清甜，放置喺月弯型嘅碟上，雅丽脱俗前菜系汁烧八爪鱼，微辣嫩滑，确实开胃之后就嚟料，第一味系北寄贝，有啲酱汁铺住，更令佢爽滑无比。佢地啲寿司系用赤醋，感觉正宗啲又有诚意之后印象深刻啲嘅就系池鱼，新鲜到好似喺口入面游吓游吓咁，之后仲有味黄金池鱼，味道更浓更鲜，需以姜蓉伴食，系火与水嘅交融寿司上面加粒蛋，仲要好似班尼迪蛋咁流晒汁落块刺身度，真系好神奇，但唔好忽略下面块鱼，原来佢系右口鱼，而唔系左口鱼（平目鱼），即系鲽鱼，油香较为甘浓，真系冷知识呀今次真系几有惊喜，竟然好多款寿司比拖罗更耀眼，其中海胆军舰令大胃第一次有用海胆漱口嘅感觉，好冲击呀！同样冲击系蟹酱牡丹虾，虾蟹海底交战嘅烈况，喺大胃脷底重演最尾一道当然系最隆重，俨如娘娘下凡，不过唔系莲花，而系踩住樱花降世，带子鹅肝叠到摇摇欲坠，大胃赶紧送鹅入胃口，首先食到带子嘅鲜味，其后feel到溶化咗嘅鹅肝笼罩住整个寿司，果然系