焱丸水產

营业中

休息中

装修真系好似置身于日本既矶烧店，食矶烧最重要系店内灯光，因为要睇清楚食物烧至咩程度。餐厅有售卖大吟酿，最岩三五知己饮返杯。焱丸蟹噌甲罗烧($68) / 黑松露蟹肉甲罗烧($68)，两者烧熟后外观上看不出分别，但食落味道就有分别，黑松露味道较突出，两者蟹膏好浓郁。牡蛎壳烧($68/只)，size好大只，差唔多有个炉阔度咁长，就算烧熟后缩左少少，都仍然系大只，热辣辣胀卜卜咁，好爽口。麻酱蕃茄豆腐沙律($58)，日式沙律配麻酱必定要绝，蕃茄够新鲜，而且凉凉地，夏天食就岩晒。刺身三盛($160)，带子、三文鱼、油甘鱼(唔确定)，三文鱼白色纹多，应该系腩部位，油甘鱼爽口，带子鲜甜肥美。北海道海鲜炒饭($78)，炒得好香，饭粒粒分明，有鱿鱼粒增加左烟烟韧韧口感。