點心到 MIX·大排檔

营业中

休息中

OT放工喺公司附近已经冇嘢好食😴，所以搭车出咗旺角医肚仔。我哋见金鸡广场有间「点心到MIX·大排档」收得夜，就一于帮衬吓。餐厅人气好高，集合唔同年龄层嘅客人，夜晚十点几都坐满一半人👏。呢度环境几四正，座位阔落，光光猛猛，冷气充足。原本我以为餐厅全日都有卖点心，但原来只限日头，佢夜晚就会化身成为大排档，主打小菜🥢。餐厅定价属正常水平啦，介乎茶餐厅同酒楼之间，不过胜在大大碟！蜜椒牛柳粒($108)，🐮牛柳粒好掂，色香味俱全，卖相吸引。菜式调味相当惹味，带黑椒嘅辛辣，但同时又有蜜糖嘅甜。🥩牛柳大大粒，有接近廿粒，而且质素唔差，肉味浓郁，肉质软腍。🥖薯仔似乎有先煎香再炒，所以外脆内软；最后仲有三色灯笼椒同洋葱等一齐爆香，索咗唔少汁，如果配白饭食一流。龙门鸳鸯炒米($77)，🥘我无概念鸳鸯炒米系点样，以为系鸳鸯炒饭啲Friend，有两只汁，但原来系指炒米粉拼炒粉丝🍜！估唔到两样捞埋一齐食都几夹，炒米炒得够镬气，面质爽弹唔油腻。佢味道偏清淡，同牛柳粒啱啱相反，互补优势。除此之外，餐厅仲用足料炒，有成十几只虾🦐、叉烧、蛋同芽菜等，诚意度十足。杏汁炖白肺汤($45/盅)，汤品最重要系够热🔥，佢坚系滚热