榕基滷水專門店 1992 (已搬遷) 新店位置

一直想试呢间卤水小店，终于等到佢开返就同朋友一齐黎食。店入面座位唔算多，不过几好坐。店员好有礼貌。食物既选择几多，好多款都好吸引。我同朋友叫左︰招牌卤水狮头鹅(鲜鹅油捞面)、秘制黄金卤肉(手工汤面)、糖脆花生鱼仔、话梅花雕鸡翼、鲜豆浆。MenuMenuMenu食物合照招牌卤水狮头鹅(鲜鹅油捞面)︰卤水味唔错，鹅好滑，可惜既系肥既部分比较多，肉比较少。如果转做原只鹅脾既话应该几抵几正。秘制黄金卤肉(手工汤面)︰超多卤肉，多到差啲遮住哂啲面。面质烟韧弹牙，配合埋只蛋，超好食！糖脆花生鱼仔︰花生同鱼仔都好脆，甜甜地咁好正，非常好既小食话梅花雕鸡翼︰花雕味几突出，鸡翼好大只，啖啖肉，肉质结实有口感。不过唔太食得出话梅味。总括一下，食物高质，小店有良心，环境唔错，店员有礼貌。系一间非常值得支持既卤水小店。