囍源古早蛋糕 (已結業)

星期五放工后去左深水埗买古早蛋糕黎食，因为好耐无食，好挂住佢。囍源古早蛋糕既蛋糕低糖、少油、无添加，以正宗古早味蛋糕既水浴法整，所以蛋糕唔会㶶边㶶底，隔得耐都唔会好缩水，系良心小店。仲可以提早三日预订想要既口味。今次我就拣左两只味。朱古力栗子$80加特级肮脏$15切开就会见到中间个层搽满晒，绝无呃秤，面面头就洒满朱古力脆脆。朱古力味好浓郁，属于大人味既朱古力，唔太甜，蛋糕质感好软熟湿润。斑兰咖吔$75蛋糕同样松软，充满水分，好难得斑兰味好出，清清地又唔腻，好食。蛋糕食唔晒，第二日早餐之后后先摆入雪柜，可以摆三日。冻食一样甘出色，仲几夹添。