老地坊風味餐廳 (已結業)

踏入春天，衬仲有少少凉意，捉紧冬天既尾巴，打多转边炉先得。见到老地坊任饮任食，仲有鸡煲添，岀发吧！好，坐低睇吓有咩好食先。调味料可以自己落。招牌花胶鸡锅，望落好足料，试吓个汤底先，饮落够浓郁，仲有好多花胶，啲鸡煮咗咁耐都系滑㗎。出面嘅自助饮食区，火锅料全部放喺雪柜里面，感觉卫生干净。牛肉，猪肉，色泽红润，食落都好新鲜好有肉味。有肉当然要有菜，蔬菜有好几款，够绿油油，除咗有鸡髀菇、粟米，薯仔够粉，好食。