影片
更多
2024-09-15
1319 浏览
呢间嘢实在太难食，大家千祈唔好嚟！呢间米线一直以世一米线同世一炸物著名，所以我哋上个星期日特登慕名而来。去到嘅时候我哋用咗一个钟嚟排队，入到去之后又用咗九个字时间等食物上桌。本身我哋都觉得啲食物好食嘅话，排长龙都唔紧要嘅。我哋嗌咗两碗麻酸辣汤米线，同埋一啲炸物，例如系反斗虾胶豆卜、炸豆腐鱼蛋同埋炸鸡。麻酸辣汤米线上桌嘅时候非常之香，但系当我哋放入口嘅时候惊觉个汤底系苦嘅。一开始都不以为意，点知越食越苦，苦过deedee！对面台客都食到苦口苦面！应该系因为啲花椒炒得太大火，所以㶶咗。煮过花椒嘅人都应该知道花椒㶶咗嘅话会好苦，所以呢个汤底可以话系失败。我哋都算系垃圾肚，但系𠮶一日居然连一碗米线都食唔晒，因为碗米线真系太苦，盖过晒其他味道，食到后来可以用挨苦嚟形容。一路食一路谂自己做咩咁折堕，花两个钟嚟食碗苦味米线！后来我哋睇返网上嘅食评，发现都有唔少人批评过个汤底系苦嘅，睇嚟唔系我哋去𠮶一日失准，而系呢个系餐厅一贯嘅水平。另外讲返炸物，啲炸物系非常之脆，但系冇嚟味道，鸡肉一啲鲜味都冇。虽然话系炸物啫，但系起码嘅味道都要有啊。如果只系因为脆就话佢系世一炸物，咁大家对食物嘅要求都实在太低啦。何
呢间嘢实在太难食，大家千祈唔好嚟！
呢间米线一直以世一米线同世一炸物著名，所以我哋上个星期日特登慕名而来。去到嘅时候我哋用咗一个钟嚟排队，入到去之后又用咗九个字时间等食物上桌。
本身我哋都觉得啲食物好食嘅话，排长龙都唔紧要嘅。我哋嗌咗两碗麻酸辣汤米线，同埋一啲炸物，例如系反斗虾胶豆卜、炸豆腐鱼蛋同埋炸鸡。
麻酸辣汤米线上桌嘅时候非常之香，但系当我哋放入口嘅时候惊觉个汤底系苦嘅。一开始都不以为意，点知越食越苦，苦过deedee！对面台客都食到苦口苦面！应该系因为啲花椒炒得太大火，所以㶶咗。煮过花椒嘅人都应该知道花椒㶶咗嘅话会好苦，所以呢个汤底可以话系失败。
我哋都算系垃圾肚，但系𠮶一日居然连一碗米线都食唔晒，因为碗米线真系太苦，盖过晒其他味道，食到后来可以用挨苦嚟形容。一路食一路谂自己做咩咁折堕，花两个钟嚟食碗苦味米线！
后来我哋睇返网上嘅食评，发现都有唔少人批评过个汤底系苦嘅，睇嚟唔系我哋去𠮶一日失准，而系呢个系餐厅一贯嘅水平。
另外讲返炸物，啲炸物系非常之脆，但系冇嚟味道，鸡肉一啲鲜味都冇。虽然话系炸物啫，但系起码嘅味道都要有啊。如果只系因为脆就话佢系世一炸物，咁大家对食物嘅要求都实在太低啦。
何况仲要因为呢啲食物而排足等足两个钟，真系食到想问佢攞返钱。
总结，如果你有好多时间可以浪费，同埋想试吓苦味汤底嘅话可以去一试。我就唔会再去，无谓浪费生命。
张贴
