影片
更多
2024-09-25
238 浏览
呢间位于荃湾嘅串烧店都几有惊喜。星期日晚市时段都几旺场。串烧种类都多，口味偏向港式同日式风味。店家好好，先送咗一个薯仔沙律嘅前菜。薯蓉食落好软熟，个麻酱又几开胃。蟹籽沙律 ($38)份量都多，青瓜可能切得太幼嘅缘故，唔系话非常之爽脆，不过不失啦。蒜蓉烧带子 ($40 each)几欣赏佢嘅蒜蓉都几幼细，带子鲜嫩几好食。烧油甘鱼鲛 ($76)非常之抵食嘅油甘鱼鲛，之前喺日本餐厅食过都唔系呢个价钱可以食到。佢烧到个皮好脆同埋啲肉质仲好嫩滑嘅，只系点少少柠檬汁已经好好食。海苔芦笋明太子卷 ($48)估唔到佢系炸嘅，明太子系落咗落啲沙律酱度，个配搭都几特别。汁烧鸡髀菇 ($18)汁烧牛舌尖 ($38)汁烧唔会太咸，牛舌特别好食，肉质软熟。盐烧牛小排 ($45)牛味浓郁，唔会烧到好干好硬。烧白鳝 ($42)白鳝个皮烧到脆脆地，鱼肉就比较腍身，仲keep住啲鱼汁。原条肉碎茄子 ($52)肉碎比得一啲都唔手软，茄子肉一丝丝搣出嚟食好软滑，配埋个肉碎感觉啱啱好。山药福包 ($25)见呢个几得意喺出边未食过。但口味偏咸，入面好似系一啲酿山药嘅物体。焦糖芝士蛋糕 ($22)价钱合理，外型有啲似寿司郎嘅卡达拉
店家好好，先送咗一个薯仔沙律嘅前菜。薯蓉食落好软熟，个麻酱又几开胃。
蟹籽沙律 ($38)
份量都多，青瓜可能切得太幼嘅缘故，唔系话非常之爽脆，不过不失啦。
蒜蓉烧带子 ($40 each)
几欣赏佢嘅蒜蓉都几幼细，带子鲜嫩几好食。
烧油甘鱼鲛 ($76)
非常之抵食嘅油甘鱼鲛，之前喺日本餐厅食过都唔系呢个价钱可以食到。佢烧到个皮好脆同埋啲肉质仲好嫩滑嘅，只系点少少柠檬汁已经好好食。
海苔芦笋明太子卷 ($48)
估唔到佢系炸嘅，明太子系落咗落啲沙律酱度，个配搭都几特别。
汁烧鸡髀菇 ($18)
汁烧牛舌尖 ($38)
汁烧唔会太咸，牛舌特别好食，肉质软熟。
盐烧牛小排 ($45)
牛味浓郁，唔会烧到好干好硬。
烧白鳝 ($42)
白鳝个皮烧到脆脆地，鱼肉就比较腍身，仲keep住啲鱼汁。
原条肉碎茄子 ($52)
肉碎比得一啲都唔手软，茄子肉一丝丝搣出嚟食好软滑，配埋个肉碎感觉啱啱好。
山药福包 ($25)
见呢个几得意喺出边未食过。但口味偏咸，入面好似系一啲酿山药嘅物体。
焦糖芝士蛋糕 ($22)
价钱合理，外型有啲似寿司郎嘅卡达拉娜，不过就冇咁Creamy，口感真系似普通嘅芝士蛋糕。
张贴
