大良鴻輝記

营业中

休息中

宜家D甜品舖，切吓生果，捞吓芒果汁、椰汁就有成张餐牌，好难精于煲糖水，肯花时间又花心机，自然要老字号。腐竹蛋糖水，腐皮加糖超简单，煲到腐皮都变成一片白，话有莲子但见唔到，鸡蛋当然系一早煮好要先放落去，无惊喜；木瓜炖雪耳，成盅上，但唔似原盅炖，木瓜够多，雪耳都开始融，糖水有粘度，甜度适中，火侯够；双圆藜麦紫米露，新款甜品，好似装修完先有，用台湾芋圆同地瓜圆有咬口，一来满满的棷香，外表不太看出是紫米露，甚至说不太好看，味道中规中矩可接受。依度传统三宝芝麻、合桃，杏仁糊，都系自家制，识食自然食依几样，但时代变迁有梗多嘢，人要换吓口味，舖都要转变求生。今次八点左右去得两枱客，系比较早，但其他甜品舖一般都唔止，就算宵夜时段日日爆场，廿几蚊碗几个钟又有几多？附近有平价甜品，食得辛苦但总有需求，但系老店仲生存到时，间中都要有调剂。