影片
更多
2022-10-15
89 浏览
今日朋友请食饭，之前同佢一齐去大阪旅行，因为住近黑门市场，差不多日日过去食海鲜丼做早餐。为左怀缅旧事，佢话今日要食黑门水产😅整间餐厅嘅装修真系极有feel，浅色木系为主调、纸灯笼、小木牌等日本signature 物品作点缀，未食嘢，但一起旅行嘅感觉已经返晒嚟。怀缅就一定要叫返个海鲜丼先得啦，经比较下就拣左🍣北海道海鲜丼（$178），因为有我地钟意食嘅海胆、鱼子、凡立贝、三文鱼。鲜味嘅刺身配上软糯珍珠米饭，未完全食到日本嘅味道，但足以令人回味。 黑门令大渔鱼子酱脆脆包($88/件)个法包真系好脆，咬入口卜卜声，配埋带上海水咸香嘅鱼子酱、鲜甜嘅海胆，每啖都系享受。 深海池鱼薄切刺身($238)摆盘超靓，肉质紧实而爽口、略带油香、味道鲜甜。铁板烧山贼酱蟹蒜地鸡($138)超级浓味，啱晒嗜咸者，或者配碗珍珠米白饭，绝对好送饭。牛油烧帆立贝($72)好大只帆立贝，睇住侍应慢慢即场烧熟，后期更会剪细件方便入口，这点似十足日本人待客之道，要加细心分同礼貌分。海胆蟹味噌甲罗烧($78) 呢个十分满分🥰因为朋友专为我而叫(个人俾嘅友情分😅)，系我钟意嘅海胆＆蟹膏，味道其实都几好，食得出的鲜味。饼干一定要
整间餐厅嘅装修真系极有feel，浅色木系为主调、纸灯笼、小木牌等日本signature 物品作点缀，未食嘢，但一起旅行嘅感觉已经返晒嚟。
怀缅就一定要叫返个海鲜丼先得啦，经比较下就拣左🍣北海道海鲜丼（$178），因为有我地钟意食嘅海胆、鱼子、凡立贝、三文鱼。鲜味嘅刺身配上软糯珍珠米饭，未完全食到日本嘅味道，但足以令人回味。
黑门令大渔鱼子酱脆脆包($88/件)个法包真系好脆，咬入口卜卜声，配埋带上海水咸香嘅鱼子酱、鲜甜嘅海胆，每啖都系享受。
深海池鱼薄切刺身($238)摆盘超靓，肉质紧实而爽口、略带油香、味道鲜甜。
铁板烧山贼酱蟹蒜地鸡($138)超级浓味，啱晒嗜咸者，或者配碗珍珠米白饭，绝对好送饭。
牛油烧帆立贝($72)好大只帆立贝，睇住侍应慢慢即场烧熟，后期更会剪细件方便入口，这点似十足日本人待客之道，要加细心分同礼貌分。
海胆蟹味噌甲罗烧($78) 呢个十分满分🥰因为朋友专为我而叫(个人俾嘅友情分😅)，系我钟意嘅海胆＆蟹膏，味道其实都几好，食得出的鲜味。饼干一定要食埋，唔系一般食开嘅梳打饼，饼身较厚，而且劲香脆。
仲有颜色靓靓嘅饮品：巨峰梳打($58)、奇异果梳打($68)，青新嘅颜色似cafe饮品。
我地入座时间较迟，后期已接近餐厅落场休息时间，所以只系剩返我同朋友两个人，忽然包场，享受私有化嘅日本感觉，宁静嘅餐厅，加充满日本感嘅装修，再加埋刚满足完日本味道，心已飞到日本了。
张贴
