囍源古早蛋糕 (已結業)

古早味蛋糕舖头越黎越普遍，呢间位于深水埗嘅街坊小店更系以正式嘅手法制作有黄金边黄金底嘅古早蛋糕👍🏻老板好亲切，仔细讲解佢地同其他店铺嘅分别～采用水溶法每日新鲜焗制嘅蛋糕，仲系低糖少油🤗同街坊嘅关系都好好，每逢街坊讲话想要咩口味，佢地都会去试整，造就左咁多各式各样嘅口味😎平时仲会有直播比优惠、提供长者及医护优惠等，十分贴地🙌🏻🔸芋泥味 （HK$70）蛋糕夹住嘅芋泥系每日新鲜制作嘅芋泥，唔系采用芋粉制作架，味道天然唔会太甜腻😜配住松软嘅蛋糕食超match呀，而且蛋糕放系雪柜第二日食之后都仲系好湿润～🔸香蕉朱古力 （HK$85）蛋糕用左真材实料嘅香蕉制成，就咁打开个盒已经闻到阵阵嘅香蕉味。面头淋上朱古力金莎酱，食落就更有层次感啦😍蛋糕具空气感而且好有弹力呢，大大个几个人share好抵食～🔸培茶奶黄（HK$80）因为前排就到中秋，店铺都推出左特别嘅应节味道。厚厚嘅奶黄馅料配上培茶味嘅蛋糕意想不到地夹呀，本身仲惊奶黄会好甜，但配埋甘甘嘅培茶蛋糕就平衡返味道，带出特别嘅日式味道😊