Moodie Wine & Dine

营业中

休息中

收工约左旧同事系娱乐行睇夜场，系附近周围行吓睇吓有咩野食，行过和安里成条街好多餐厅，经过呢间餐厅门口见到人地叫既食物卖相唔错，价钱又唔贵，就行入去试下先。餐厅布置得好地中海风格，下层适合2人世界，另外有条旋转楼梯上一层，可以一大班人聚会。 餐牌选择唔算多，嘢食虽然配搭简单，但食落又几有惊喜， 我哋叫一个前菜、一个主食、一个甜品。前菜系西班牙传统蒜油大虾，每只虾都好重蒜油味，超弹牙，带少少辣，味道好夹。万众期待既主食慢煮伊比利亚黑毛猪配秘制杏脯酱，食落好juicy而不腻，配埋𠮶张酸酸甜甜好开胃，加埋香滑薯蓉，食到停唔到口。食完主菜都已经8成饱，埋尾加多个甜品先至完美，甜品原本想试西班牙油条配朱古力酱，可惜卖晒，店员就介绍试佢哋个苹果金宝，苹果蓉再加埋肉桂嘅香味，酸酸甜甜有热辣辣嘅果蓉，配埋冻冰冰嘅云呢拿雪糕，简直系绝配。值得一赞喺餐厅店员好细心，当我哋食完𠮶头盘，店员好主动讲主菜要多少少时间准备，中间好留意我哋需要,适当时候添水同换餐具。