影片
更多
2016-10-02
1112 浏览
2016-09-29四川辣妹子******************呢晚嘅安排有啲奇怪，收工先去食甜品，然后睇 Miss Peregrine's Home for Peculiar Children, 睇完再去食饱肚嘅宵夜。十点半归家路上仲有咩好食呢？爱辣嘅大胃联盟今次就拣咗“四川辣妹子”******************去到嘅时候，见到好多人都食紧鸡煲丫烤鱼之类，但盟主就叫咗酸辣粉、鸡丝凉面、凉拌鱼皮、香煎饺子同蒜泥白肉，仲加咗一罐肥仔水。******************先嚟个凉拌鱼皮，佢属于超薄，只系其中一两片唔知点解有啲韧，其他都系爽口。唔食得辣嘅朋友仔记得叫佢唔好咁辣，因为如果冇讲明，佢算系偏辣的。******************再嚟酸辣粉，薯粉煮得刚刚好，个汤底同平时车仔面档、伤心𠮶啲有唔同，佢带多咗一种香味。至于鸡丝凉面，啲面好滑好爽，老细见我地未捞均就食，仲好细心咁提我地要捞均先。******************煎饺好脆，脆到似炸多过似煎。唯一可惜就系蒜泥白肉。佢地用肉卷住青瓜，中和油腻之余又增强口感，但当晚可能重手咗，一食落去，条脷痺咗，咸辣集于一身，感觉系
四川辣妹子
******************
呢晚嘅安排有啲奇怪，收工先去食甜品，然后睇 Miss Peregrine's Home for Peculiar Children, 睇完再去食饱肚嘅宵夜。十点半归家路上仲有咩好食呢？爱辣嘅大胃联盟今次就拣咗“四川辣妹子”
******************
去到嘅时候，见到好多人都食紧鸡煲丫烤鱼之类，但盟主就叫咗酸辣粉、鸡丝凉面、凉拌鱼皮、香煎饺子同蒜泥白肉，仲加咗一罐肥仔水。
******************
先嚟个凉拌鱼皮，佢属于超薄，只系其中一两片唔知点解有啲韧，其他都系爽口。唔食得辣嘅朋友仔记得叫佢唔好咁辣，因为如果冇讲明，佢算系偏辣的。
******************
再嚟酸辣粉，薯粉煮得刚刚好，个汤底同平时车仔面档、伤心𠮶啲有唔同，佢带多咗一种香味。至于鸡丝凉面，啲面好滑好爽，老细见我地未捞均就食，仲好细心咁提我地要捞均先。
******************
煎饺好脆，脆到似炸多过似煎。唯一可惜就系蒜泥白肉。佢地用肉卷住青瓜，中和油腻之余又增强口感，但当晚可能重手咗，一食落去，条脷痺咗，咸辣集于一身，感觉系刺激嘅，但之后after taste就好似净番咸味。
******************
食得味浓嘅朋友可以一试，大胃联盟亦会将佢列入深宵食堂选择之一。
******************
消费：$204 （免加一）
优惠： /
******************
*本人是次用餐以现金付款，并无收取任何利益。
102 浏览
0 赞好
0 留言
60 浏览
0 赞好
0 留言
张贴
