名人館

营业中

休息中

如果要拣一间坐得舒服，服务又好，嘢食又有特色嘅，有时真系无奈地要去一啲同地铁站有啲距离嘅地方。今日喺观塘，行去丽港城方向中间有一间酒店，一一楼有一间静静地，有啲特色嘅潮州嘢食，见佢格调唔错，就想去一试究竟。潮州冻蟹：一开始侍应推介，今日返货，果然系冇介绍错，一嚟到无论系蟹肉和蟹膏都好新鲜。我其实唔系好食得好腥嘅嘢，但系竟然冇腥味，而且好饱满。特别叫咗个潮州粥同佢夹住食，有惊喜！卤水墨鱼：依样嘢出名几贵㗎，但系我都几钟意，所以见佢喺个橱窗望落去几新鲜几靓，就试吓。坦白讲佢嘅煮法唔系好特别，所以惊喜我只能比5分。但系佢又份量几多㖞，呢一个我都觉得如果你钟意食嘅话可以一试。豉油王鹅肠：呢个嘅煮法都系正常发挥，但系又系份量取胜，我发觉呢间酒楼都系以份量见称，性价比唔错！蒜香蒸扇贝：呢个又系店员推介，正常价钱，而且送饭一流，即刻叫咗你食咗碗大嘅靓仔，大满足！