影片
更多
2019-02-26
1934 浏览
我觉得黎金碧食饭需要一定既勇气～帮老公约食生日饭，我地一行十人首先要预早book位，我打左十次八次都唔通，到打到第一次有人听时，可能刚好系午市，接电话的人，态度较差，非常赶收线仲叫我之后要打多次黎叫𩠌第二转打去叫𩠌，特登拣六点头打去，成功落哂𩠌，对方叫我落订$500，到时食饭个日拎返入数纸就可。我入数后，第三转打去，因为有𩠌想更改同顺便讲声入左数，对方有抄底要改𩠌的，但最后我都系无改𩠌🙄🙄我地七点到，间酒家系真系好old school既，好明显系食个种情怀～仲要枱枱都系book左位，唔会有街客入黎～等紧齐人时想嗌个小吃送下酒职员提议小炒皇或义烧同椒盐鲜尤我地本身有落椒盐鲜尤既，但如果食左呢，就无得再加多碟🙄🙄🙄我都明玩法要落𩠌先就系等酒家约食材时方便d，始终都系屋村内既小酒家，唔预有walk-in客，但都唔系预到咁吻水，多小小都无吧😓最后 我地都叫左碟义烧送下酒称唔上好食。。。讲返当晚预先订既𩠌：猪肺汤交到功课既 每人有两碗有杏汁味但唔算浓 有朋友唔好杏汁都饮到猪肺份量都多 洗得干净生菜包好大碟 跟两份生菜都食唔哂有马蹄 蚝豉 有咬口且爽口炸云吞云吞皮炸得干身 个汁酸甜度刚好炸子鸡唔热
帮老公约食生日饭，我地一行十人
首先要预早book位，我打左十次八次都唔通，到打到第一次有人听时，可能刚好系午市，接电话的人，态度较差，非常赶收线仲叫我之后要打多次黎叫𩠌
第二转打去叫𩠌，特登拣六点头打去，成功落哂𩠌，对方叫我落订$500，到时食饭个日拎返入数纸就可。
我入数后，第三转打去，因为有𩠌想更改同顺便讲声入左数，对方有抄底要改𩠌的，但最后我都系无改𩠌🙄🙄
我地七点到，间酒家系真系好old school
既，好明显系食个种情怀～仲要枱枱都系book左位，唔会有街客入黎～
等紧齐人时想嗌个小吃送下酒
职员提议小炒皇或义烧同椒盐鲜尤
我地本身有落椒盐鲜尤既，但如果食左呢，就无得再加多碟🙄🙄🙄
我都明玩法要落𩠌先就系等酒家约食材时方便d，始终都系屋村内既小酒家，唔预有walk-in客，但都唔系预到咁吻水，多小小都无吧😓
最后 我地都叫左碟义烧送下酒
称唔上好食。。。
讲返当晚预先订既𩠌：
猪肺汤
交到功课既 每人有两碗
有杏汁味但唔算浓 有朋友唔好杏汁都饮到
猪肺份量都多 洗得干净
生菜包
好大碟 跟两份生菜都食唔哂
有马蹄 蚝豉 有咬口且爽口
炸云吞
云吞皮炸得干身 个汁酸甜度刚好
炸子鸡
唔热 微暖 胸位好鞋
蜜汁鳝球
我第三次打去话已经入左钱既时候，顺手讲埋想取消呢味，转梅菜扣肉，对方话无问题。点知最后，都系无转到。。。我行埋柜枱问，佢仲话我有写低架，但我唔记得边张枱转🙄🙄🙄大佬呀，咁你唔问？何况我打电话黎通知你入左数时，我点会无讲自己姓乜边张枱呀？？？😤😤😤
最后要即场再加碟梅菜扣肉😓
仲有椒盐鲜鱿，鱼肠蒸蛋，姜汁芥兰，梅菜扣肉无影到。。。
仲未完架。。。
我订菜时，话要姜汁芥兰，到d𩠌上到七七八八时，我地问呀姨们，仲差个姜汁芥兰㖞，佢先话我地无芥兰㖞😡😡😡
无芥兰都算啦，咁你主动讲声都应该吖，我唔问你唔讲，佢地仲觉得我地应该要知佢地今日无芥兰咁㖞，咁请问我订𩠌黎做乜？？？
老实讲，d𩠌既好味程度完全唔够cover服务态度同出错。我明班姨姨同个老板娘系做开熟客生意，未必钟意或者恨有一班年轻人入黎帮衬，唔知头唔知路咁，但都唔系咁呀嘛？态度唔洗话咁寸咁无礼貌吖？
如果d野食真系话好正好正宗好怀旧，外面完全食唔到既，你串都有道理，但又唔系㖞，都唔知佢凭乜可以咁嚣张！
呢间野，要有预左受一肚气既心理准备先好帮衬😠😠😠
张贴
