張公子

营业中

休息中

前排约朋友去观塘工厂区食一间隐世中菜馆，位置喺骏业熟食中心对面，当日平日夜晚去食，都颇多人帮衬，餐厅环境舒服， 空间宽敞，台与台之间都有保持一定嘅距离，唔会好似平时嘅茶楼咁逼埋一齐。餐厅都好贴心，会预备小蜡烛俾茶壶保温，职员亦都好主动帮手添水。🥢公子特色冻豆腐呢个前菜系一人分量，豆腐口感非常嫩滑，再淋上姜醋汁，味道酸甜，好似食紧猪脚姜，非常开胃。
🥢秋雾卤醉虾（五只)👍呢个菜式非常适合打卡，摆盘非常有心思，利用底部嘅干冰营造出烟雾效果。卤醉虾肉质非常爽弹鲜甜，味道带淡淡嘅酒香味，同时会食到花椒麻香味，味道丰富。🥢口水云吞皮蛋云吞馅料丰富，入面有多只虾仁，而皮蛋口感滑溜，配上香辣嘅口水酱汁，味道非常惹味。
🥢张公子叉烧👍呢个系餐厅嘅招牌菜，份量非常多，叉烧肥瘦适中，外层淋上蜜汁，经过炉火烧制后，表面色泽晶莹剔透，内里松软多汁，味道咸中带点甘甜。
🥢酸菜桂花鱼片酸菜鱼嘅份量适中，桂花鱼片肉质嫩滑，无腥味，又唔会食到有骨，味道偏酸带小辣，好岩我呢啲钟意食鱼但唔钟意骨嘅人。