影片
更多
2024-06-24
6576 浏览
介绍返💁🏻♀️。。🇭🇰 鸡汤米 在太子 🇭🇰。痴胶鸡 Crazy Chicken。胜兴楼地下D号舖。胡椒猪肚鸡米线 Pepper Pork Belly Chicken Rice Noodle。HKD60招牌痴花胶鸡 Chicken Fish Maw。HKD228 @ 全只。HKD148 @ 半只。HKD58 @ 一份椒盐粟米 Pan Fried Sweet Corn。HKD32金砖豆腐 Pan Fried Tofu。HKD42咸柠七喜 Salted Lemon 7up。HKD16 @ 单点。HKD12 @ 跟餐白桃冷泡茶 White Peach Cold Brew Tea。HKD18 @ 单点。HKD12 @ 跟餐🤫 星期日两条友仔出咗去太子𠮶边食咗个饭脚仔Mark低咗好耐话好想去试吓嘅鸡汤米线作为我哋嘅Late Lunch..然后再行信和抽盲盒买漫画😎🤫 讲返间鸡米先..佢个名好搞笑叫做痴胶鸡😅大热天时热死辣辣饭脚仔都话要食鸡汤米..我都有少少觉得自己痴胶鸡🤪好在餐厅冷气无限量供应..感觉就同开冷气打边炉一样咁过瘾😌🤫 老实..痴胶鸡呢度地方就唔系好大㗎啦..不过胜在都干净企理..座
。
。
🇭🇰 鸡汤米 在太子 🇭🇰
。痴胶鸡 Crazy Chicken
。胜兴楼地下D号舖
。
胡椒猪肚鸡米线 Pepper Pork Belly Chicken Rice Noodle
。HKD60
招牌痴花胶鸡 Chicken Fish Maw
。HKD228 @ 全只
。HKD148 @ 半只
。HKD58 @ 一份
椒盐粟米 Pan Fried Sweet Corn
。HKD32
金砖豆腐 Pan Fried Tofu
。HKD42
咸柠七喜 Salted Lemon 7up
。HKD16 @ 单点
。HKD12 @ 跟餐
白桃冷泡茶 White Peach Cold Brew Tea
。HKD18 @ 单点
。HKD12 @ 跟餐
🤫 星期日两条友仔出咗去太子𠮶边食咗个饭脚仔Mark低咗好耐话好想去试吓嘅鸡汤米线作为我哋嘅Late Lunch..然后再行信和抽盲盒买漫画😎
🤫 讲返间鸡米先..佢个名好搞笑叫做痴胶鸡😅大热天时热死辣辣饭脚仔都话要食鸡汤米..我都有少少觉得自己痴胶鸡🤪好在餐厅冷气无限量供应..感觉就同开冷气打边炉一样咁过瘾😌
🤫 老实..痴胶鸡呢度地方就唔系好大㗎啦..不过胜在都干净企理..座位亦都唔算话太逼夹..坐得都几舒服嘅
🤫 我唔钟意食粥粉面饭系人都知㗎啦(我自己觉得系人都知😆)所以我拣咗一份招牌痴花胶鸡唔使跟米线..然后饭脚B就要个胡椒猪肚鸡米线..外加一份金砖豆腐一份椒盐粟米开心Share
🤫 呢度先有一个赞..痴胶鸡𠮶啲鸡全部都可以拣热锅上或者普通碗上..咁好似饭脚仔呢啲钟意食新鲜滚热辣..唔焫到个嘴都唔开心嘅人嚟讲..咁就最正不过嘞..所以饭脚仔私底下即刻帮餐厅加咗两分😅
🤫 先介绍我嘅招牌痴花胶鸡..一份只系需要五十八蚊平过半只鸡好多..但系份量依然好足..怀疑有四分一只鸡咁多鸡件..而且啲鸡肉确实系几嫩滑..个汤底就更加系浓郁到不得之了..你睇相都会睇到𠮶浸骨胶原封住咗个汤..然后花胶嚟讲都冇悭住放..我起码食到三四大嚿花胶..然后除咗鸡同花胶之外仲有大量嘅虫草花同埋云耳等等配料..个人觉得冇粉都相当之饱肚
🤫 饭脚仔𠮶锅骤眼望埋去唔系太感觉到有胡椒猪肚应有嘅颜色..但系原来饮落口𠮶阵胡椒味都非常之出众..相信如果冬天嚟饮呢一个汤一定超保暖..然后猪肚切成长幼条..个人觉得呢个切法都几方便到食客..系欣赏嘅～当米线放埋落去热锅入边之后成件事就更加丰富起嚟..食到饭脚仔津津有味
🤫 小食方面..金砖豆腐份量都俾得几多..而且炸得够干身够脆口..唔觉唔觉就会越食越多𠮶只👍🏻另外椒盐粟米更加系我个人大推..因为我欣赏佢哋嘅椒盐粟米唔系炸到干争争𠮶种..咬落口依然食到入边粟米应有嘅Juicy..再加上面头些少嘅椒盐相当之惹味..我同饭脚基本上系争住食嘅😌
🤫 最后嘢饮方面..都算系有好几种特色饮品..至起码有饭脚必拣嘅咸柠七..然后又有我去到边都几钟意叫嘅白桃冷泡茶..都系𠮶句～凉住冷气..饮住冻冰冰嘅饮品..再食一个热辣辣嘅鸡锅..𠮶种反差系几过瘾嘅😆
。。
翻兜指数：🙆🏻♀️🙆🏻♀️🙆🏻♀️ （5个🙆🏻♀️为翻兜爆灯）
。。
张贴
