Alva House

营业中

休息中

之前嚟过食lunch buffet，四百几蚊一个人，我觉得好贵，不过啲嘢都好食嘅。上星期日喺网上见到呢度有龙虾同蟹主题嘅自助晚餐，差唔多$800一位，好贵不过都试吓啦。去到餐厅表示订咗两位，佢哋安排咗张细方枱。有位职员行埋嚟话八折，计吓数，其实连埋加一，每人都仲系要$700。攞完杯嘢饮，先打个白鸽𨍭，睇吓有乜好嘢食，一眼见到冷盆放咗开边龙虾，先夹咗一只左右两边，加埋花螺，经过见到细细碗杂锦鱼生，攞埋先返位。开始先食鱼生，下面竟然有啲饭，原来系超迷你杂锦鱼生饭。😂虽然好细碗，不过鱼生新鲜好味，于是去攞几块刺身食，果然都系好新鲜。😋之后试咗芝士焗龙虾，配埋杂菜同彩椒，又另有一番风味。今日餐饮完中汤再试埋个法国龙虾浓汤，我觉得西汤好味啲。😋食咗几轮，每次返到埋位，啲餐碟都仲系度😓，于是走埋去侍应旁边，指指个位同佢讲：「唔该帮我收收嘢。」点知攞完嘢食返嚟啲碟都仲喺度！😩手上拎住碟嘢食，行埋去再讲：「我个位啲碟多到我冇位放嘢食啦！」今次先真系帮我拎走啲嘢。😠其实隔离张枱啲人走咗好耐都冇人去收嘢。最后食完Häagen-Dazs 雪糕，去攞其他甜品先发现原来有gelato 同咖喱，不过太饱食唔落啦。