荷里活冰室 (兆禧苑商場)

营业中

休息中

今午叫咗一碟以为会好好味的日式鳗鱼炒饭，都几大碟，但原来系冇鳗鱼的， 好辛苦咁才找到两小旧。成五十蚊一个下午茶餐，所以反映俾侍应听，希望可 改善下，下次再帮衬⋯⋯侍应话要经理处理的。于是一个载眼镜的女经理来跟 进，她居然不肯正视问题，而且还粗暴无礼的讲咗一个侮辱紧餐厅声誉及自己 智慧的大话:"我哋嘅鳗鱼炒饭，不嬲都系冇鳗鱼㗎啦，我哋只系用鳗鱼嘅汁 嚟炒饭嘅啫，厨房系用一包包的鳗鱼汁倒入D饭度炒嘅，系冇肉的......所以系 冇鳗鱼肉嘅。"我哋俾佢激到发火及回应:咁餐牌点解唔系写日式鳗鱼〈汁〉 炒饭!(公司品牌真系俾佢玩死，咁样以一个大话来处理投诉)。佢冇理会我 哋，走开咗继续做野。然后大大声喺度话:系咪取消佢啰!于是我哋决定取 消，她很快手咁攞走碟饭及单，然后很劳气咁掷回改左嘅单个俾我。但系我发 觉佢把茶餐改为一杯收费21蚊的热一柠檬茶!最终要我哋话系成果餐取消呀! 她立即很快手收埋我杯柠檬茶倒咗去。一个大集团，居然容许一个咁嘅质素嘅经理系到乱嗡野，又冇礼貌、又唔 唔识 应变、又唔理客户感受，到底公司有冇培训㗎!大家记住经理话:荷里活冰室嘅日式鳗鱼炒饭，系走鳗鱼㗎!!