貴緣小鍋米線

营业中

休息中

不嬲都好钟意食呢间米线舖，但系土瓜湾𠮶间唔喺度之后，好耐冇食过啦。咁啱知道原来大角咀都开咗，咁就一于嚟试吓啦。呢间米线舖最好嘅地方，就系叫劲辣佢真系会好辣，啱晒钟意食好辣嘅朋友。一上枱佢嘅汤底果然又香又辣，食落非常开胃，而且佢嘅𩠌菜份量都好多，一定会够饱啊。另外呢个鸡丝火山都系好值得试嘅，因为佢嘅份量好多，一上枱朋友已经忍唔住打卡。佢将鸡丝砌到好似火山咁，不过呢个鸡丝火山就唔算太辣，大人小朋友都食得。朋友就叫咗个酸菜鱼米线，佢就话呢个米线唔系太辣，又酸又辣咁好开胃，啱晒唔食得辣嘅朋友。我试咗一旧酸菜鱼，果然酸菜鱼嘅肉质好嫩，佢系脆肉鲩𠮶种，食落又脆又嫩。另外我哋仲叫咗个蒜泥白肉，佢嘅蒜泥白肉非常高质，比连锁米线铺嘅好好多。而且份量好足够，蒜泥味好香，非常值得一试。呢间米线又平又抵食，而且搬咗之后环境靓咗又卫生咗，下次都一定会再嚟食呀。