影片
更多
2024-12-17
529 浏览
呢间位于铜锣湾嘅餐厅，晚市$298叹到5道菜嘅tasting menu，性价比超高。第一道本湾章红生鱼薄片做得好精致，鱼片切得薄，新鲜度一流，简单调味突显鱼嘅鲜甜。手拆蓝蟹肉多士真系好吸引！啲蟹肉够鲜甜，多士烘得酥脆，卖相靓又好味😋白酒煮活蚬意粉就更正！啲蚬够新鲜，个白酒香气同蚬嘅鲜味好夹，啲意粉煮到al dente。炭烧三黄鸡胸配青酱长通粉：鸡肉嫩滑，个青酱香浓有层次。炭烧西冷，煮到medium rare，肉质够嫩，个炭烧香好突出。香煎三文鱼柳鱼皮香脆，鱼肉嫩滑唔会干身。最后压轴嘅Tiramisu真系惊喜！层次分明，芝士香滑浓郁，蛋糕又有咖啡香，甜度啱啱好，绝对系我食过最好味嘅Tiramisu之一🩷整体嚟讲，呢个价位食到咁多嘢真系抵！每道菜都做得好精致，卖相同味道都有水准，啲份量都唔会太少。厨师手势好，用料又够新鲜，绝对值得一试。餐厅环境几企理，灯光柔和，气氛几浪漫，啲侍应态度又好，好适合约会或者庆祝！
呢间位于铜锣湾嘅餐厅，晚市$298叹到5道菜嘅tasting menu，性价比超高。
第一道本湾章红生鱼薄片做得好精致，鱼片切得薄，新鲜度一流，简单调味突显鱼嘅鲜甜。
手拆蓝蟹肉多士真系好吸引！啲蟹肉够鲜甜，多士烘得酥脆，卖相靓又好味😋
白酒煮活蚬意粉就更正！啲蚬够新鲜，个白酒香气同蚬嘅鲜味好夹，啲意粉煮到al dente。
炭烧三黄鸡胸配青酱长通粉：鸡肉嫩滑，个青酱香浓有层次。
炭烧西冷，煮到medium rare，肉质够嫩，个炭烧香好突出。
香煎三文鱼柳鱼皮香脆，鱼肉嫩滑唔会干身。
最后压轴嘅Tiramisu真系惊喜！层次分明，芝士香滑浓郁，蛋糕又有咖啡香，甜度啱啱好，绝对系我食过最好味嘅Tiramisu之一🩷
整体嚟讲，呢个价位食到咁多嘢真系抵！每道菜都做得好精致，卖相同味道都有水准，啲份量都唔会太少。厨师手势好，用料又够新鲜，绝对值得一试。
餐厅环境几企理，灯光柔和，气氛几浪漫，啲侍应态度又好，好适合约会或者庆祝！
张贴
