穴 (已搬遷) 新店位置

　　因为有人介绍，所以琴晚同屋企四个人去食，因为之前订左台，所以可以坐窗口位！　叫左好多野食，包括烧鹅肝、烧鲭鱼卷、葱吞拿鱼卷、三文鱼卷、清酒煮蚬、蟹粥、烧油甘鱼头、烧鲭鱼、是日推介－－佐佐木沙律、黑猪稻穗亭乌冬，仲有甜品烧年糕。　　成餐饭都好满意，又唔贵（可能因为系上楼的关系！），唯一系唔太钟意个烧年糕，太似夹饼，因为佢系响年糕上加砂糖同花生酱，所以不太钟爱！　　仲有蟹粥略嫌太咸，乌冬不太特色，下次考虑食锅物加乌冬！　　清酒煮蚬真值得一赞，好鲜甜，又够清，比辣酒索好得好！　　　　琴日其实仲好想试马肉寿司，不过无人陪我食，放弃左！下次试番，仲有想食铁板牛柳、锅物等，总之我一定会再来！