上海名居

营业中

休息中

今日行开愉景新城，就试一试呢一间新开嘅上海菜啦。职员好快就安排咗我哋坐一个好舒适嘅座位，服务都好周到，一坐低就比好多唔同款嘅茶包我哋拣，一人一包，非常方便。两个人食唔到好多嘢所以就嗌咗一个汤两个𩠌同埋一个甜品。羊肚菌云吞鸡炖汤非常鲜味 材料好足，两个人饮，每人都饮到两碗㗎。花雕醉鸡非常惹味，酒味够浓 ，好多都系鸡髀位置，非常嫩口。带子炒饭非常有镬气，但系又唔会好咸，份量好多好抵食。最后就系桂花酒酿丸子做结尾，桂花清香配上清清嘅酒酿，超级正 。两个人食埋单都系三百几蚊，值得一试。