影片
更多
2024-02-05
668 浏览
最钟意试新嘢！沙田系我经常买嘢嘅地方，最近听沙田友话开左间新 Buffet 餐厅，就同家人率先试吓兼当团年！为了就老爸选择了午餐buffet! 好少午市自助餐都有生蚝食，仲入口清甜新鲜！再试埋其他海鲜 - 大虾、蟹柑、青口、海螺都相当唔错。跟住当然要试鱼生拼盆 - 三文鱼、八爪鱼、鱿鱼、吞拿鱼都好正，食冷盘最紧要新鲜。Appetizer 后，无牛不欢嘅我就梗系率先试下和牛烧和roast beef ! 两款汁 - 烧汁同黑椒汁都好配合，加埋黄芥辣层次更丰富！虽然知道削弱战斗力，都忍唔住食咗三客！热荤都有好多选择，我老公最爱炆蚝、老爸就话炖茶树菇螺头汤够热够淸甜。阿妹系生蚝控，食咗好多转觉得物超所值！食咗两个钟，最后半个钟冲刺甜品区。雪糕都系靓牌子，我拣咗咖啡加薄荷朱古力！大满足！然后试埋 Brownie 蛋糕都好浓郁滑漏！见有好多其他款蛋糕甜品，今次冇试晒。叹埋杯latte 觉得今晚晚餐都可以skip 了！家人满意就系最开心嘅事！下次要约埋班吃货好友试埋dinner buffet 比较下先！
沙田系我经常买嘢嘅地方，最近听沙田友话开左间新 Buffet 餐厅，就同家人率先试吓兼当团年！
为了就老爸选择了午餐buffet!
好少午市自助餐都有生蚝食，仲入口清甜新鲜！再试埋其他海鲜 - 大虾、蟹柑、青口、海螺都相当唔错。跟住当然要试鱼生拼盆 - 三文鱼、八爪鱼、鱿鱼、吞拿鱼都好正，食冷盘最紧要新鲜。
Appetizer 后，无牛不欢嘅我就梗系率先试下和牛烧和roast beef ! 两款汁 - 烧汁同黑椒汁都好配合，加埋黄芥辣层次更丰富！虽然知道削弱战斗力，都忍唔住食咗三客！
热荤都有好多选择，我老公最爱炆蚝、老爸就话炖茶树菇螺头汤够热够淸甜。阿妹系生蚝控，食咗好多转觉得物超所值！
食咗两个钟，最后半个钟冲刺甜品区。雪糕都系靓牌子，我拣咗咖啡加薄荷朱古力！大满足！然后试埋 Brownie 蛋糕都好浓郁滑漏！见有好多其他款蛋糕甜品，今次冇试晒。
叹埋杯latte 觉得今晚晚餐都可以skip 了！
家人满意就系最开心嘅事！
下次要约埋班吃货好友试埋dinner buffet 比较下先！
张贴