家賀屋刺身寿司專門店

之前去过铜锣湾分店，觉得劲出色，所以今日朋友约我话想食日本餐，我即刻提议呢间，不过就话想试吓湾仔呢间分店，朋友刚好原来喺湾仔返工，所以真系perfect！结果嚟到之后真系冇失望，嘢食超好食，而且呢间比较有私隐度，带埋朋友两个嚟庆祝生日就最啱！一开始就叫咗啲小食先，首先就叫咗盐烧仙台熟成牛舌芯，厚度刚刚好，调味适中，够入味！之后就叫埋我觉得好正嘅生烧白鳝，好肥美，正正正。海胆龙珠卷系我每次嚟都必点嘅，有冇除咗我好钟意嘅toro，加埋酱油渍蛋黄，真系令到成个口感更加提升，更加creamy。讲明我好钟意toro，当然叫埋柚子风手切本鲔鱼腩蓉同葱本鲔鱼腩手卷。柚子风手切本鲔鱼腩蓉比较light，有淡淡嘅柚子味。手卷就另外一番风味。食咗咁多生嘢，当然都要食吓啲熟嘅定食啦，叫左西京平目鱼定食，本身包埋海带味噌汤、胡蔴田园沙律、日式炖蛋同饭，西京平目鱼都好厚肉，我好钟意，而朋友叫嘅花鱼一夜干定食就系配高野豆腐荞麦面。过桥麦面真系有惊喜，口感一流！既然系庆祝生日，所以就特别安排左餐厅嘅写字画碟服务，我地要左嘅甜品就系东京芝士蛋糕，唔会太滞。特登订咗餐厅帮我哋画朋友最钟意嘅比卡超，画出嚟真系劲精致，朋友