影片
更多
2024-05-23
36 浏览
好朋友生日book左廚師發辦同佢慶祝。餐廳設計靈感黎自「京都」禪宗花園的概念。以木系為主調，天花同牆身都懸掛住綠色植物，環境優美舒服，可以暫時遠離煩囂。先付🦑富山縣螢光魷魚飽滿多膏，口感爽脆，鮮甜且有海水味。北海道帆立貝肉質爽口彈牙。最後有黎自德島縣既菜之花，顏色非常翠綠，食落有口感。深海池魚師傳以炙燒方式料理，逼出油香，魚肉肉質鮮嫩肥美，脂厚油香，香氣徘徊在口腔中。平貝用左岩鹽、橘子汁、柚子皮調味。而黎自宮城縣既赤貝就用左豉油、柚子皮。兩款都鮮味十足，質感嫰滑，爽口有嚼勁。紫菜包住兩片佈滿精緻油花紋既肥美拖羅，一片經過火炙，另一片經醃製。雙重口感，入口即溶，鮮味無比，超推介！金雕立鱗燒師傅以滾油澆淋，令魚鱗十分香脆。魚肉係燒熟，十分嫩滑，油脂感滿滿，配自家調製紫菜汁一齊食，鮮味提升。汁煮鮟鱇魚肝鮟鱇魚肝被譽為海中既鵝肝🤣吃落完全冇魚腥味， 口感軟綿，入口即溶，特製醬油汁甜甜地，十分好味。鳥貝鳥貝肉質比較爽脆，師傅加左橘子汁調味，味道清新。金目鯛金目鯛一般要係高級日本料理店先食到， 口感柔軟細膩，師傅加左柚子皮調味，增添一份果香。北寄貝師傅將北寄貝輕輕燒過，令肉質更加濃郁爽口，鮮味十足
餐廳設計靈感黎自「京都」禪宗花園的概念。以木系為主調，天花同牆身都懸掛住綠色植物，環境優美舒服，可以暫時遠離煩囂。
先付
🦑富山縣螢光魷魚飽滿多膏，口感爽脆，鮮甜且有海水味。北海道帆立貝肉質爽口彈牙。最後有黎自德島縣既菜之花，顏色非常翠綠，食落有口感。
深海池魚
師傳以炙燒方式料理，逼出油香，魚肉肉質鮮嫩肥美，脂厚油香，香氣徘徊在口腔中。
平貝用左岩鹽、橘子汁、柚子皮調味。而黎自宮城縣既赤貝就用左豉油、柚子皮。兩款都鮮味十足，質感嫰滑，爽口有嚼勁。
紫菜包住兩片佈滿精緻油花紋既肥美拖羅，一片經過火炙，另一片經醃製。雙重口感，入口即溶，鮮味無比，超推介！
金雕立鱗燒
師傅以滾油澆淋，令魚鱗十分香脆。魚肉係燒熟，十分嫩滑，油脂感滿滿，配自家調製紫菜汁一齊食，鮮味提升。
汁煮鮟鱇魚肝
鮟鱇魚肝被譽為海中既鵝肝🤣吃落完全冇魚腥味， 口感軟綿，入口即溶，特製醬油汁甜甜地，十分好味。
鳥貝
鳥貝肉質比較爽脆，師傅加左橘子汁調味，味道清新。
金目鯛
金目鯛一般要係高級日本料理店先食到， 口感柔軟細膩，師傅加左柚子皮調味，增添一份果香。
北寄貝
師傅將北寄貝輕輕燒過，令肉質更加濃郁爽口，鮮味十足。
小肌
第一次食呢款魚！外貌唔算十分討好，魚味幾濃郁，帶有嫩彈口感。
北海道喜知次
肉質細嫩鮮美，經師傅炙燒後，油脂四溢。
吞拿魚頸部
第一次食呢個屬稀有既部位！吞拿魚最少活動既位置所以較少筋位，入口即化，味道甘甜，師傅微微炙燒燒再加上岩鹽調味，滿滿既油花感，好滿足！！！
北海道原隻紫針海膽上枱，氣勢十足。紫海膽顏色較淡，水份較高，味道清甜，帶海水味。但我更愛馬糞海膽，味道偏濃郁，甘甜味重，滿滿幸福感。
厚燒玉子
口感香滑，蛋味濃郁，質感厚實。
魚骨麵鼓湯
魚湯清甜，可以清一清味蕾。
水果有靜岡蜜瓜同埋沖繩芒果，記得要先食蜜瓜，因為芒果甜度更勝蜜瓜！但兩款都好好味！果肉清香撲鼻，軟腍多汁，甜度十足。
张贴
