蟹仙海鮮蒸氣鍋 (龍崗道)

营业中

休息中

间餐厅都几干净坐得几舒服，好适合一班人庆祝生日过嚟食。店员每一台都会好悉心介绍，最后我哋拣咗尊贵海鲜套餐。尊贵海鲜套餐一开头蒸咗啲餐具先咁样食落就干净好多，店员一开始加咗啲足料喺个底𠮶度。过多阵就拎咗今晚嘅主角海鲜出嚟啦，一见到都觉得劲开心，劲新鲜。野生海虎虾爽甜弹牙，都几大只，好重虾味。黄金翡翠螺俾我想像之中鲜甜，都好有咬口同埋弹牙。全个过程都有店员介绍，鲍鱼好大只好有唧口，口感一流。因为今日冇青口，所以转左蛏子俾我地。圣子都好甜。珍珠蚝同埋大元贝都好好味，大元贝贝佢哋自己调咗个特别嘅海胆酱，配埋一齐食劲啱味。之后就到今晚嘅主角，龙虾劲新鲜咬落去超弹牙同埋有好浓烈嘅海鲜味。第一次食馒头蟹，成个样都好特别好得意，同平时嘅差唔多味，最正当然系爆高嘅膏蟹，只蟹劲实净入面劲多肉。最后仲有蔬菜，同埋吸晒所有海鲜精华嘅猪骨粥，食到劲饱最后仲有椰汁炖雪燕。