瀧宴日本料理

营业中

休息中

首先一入到餐厅好光猛舒适，采光好好，有落地大玻璃，餐厅楼层高望出去高过晒附近嘅大厦，好靓，唔会觉得密集压迫。南非鲍鱼好大只，食落鲜嫩多汁，个自家袐制酱汁好味，香浓又唔会咸，好欣赏已经切定咗一片片，方便食用。季节刺身有3款左口鱼、油甘鱼同埋吞拿鱼，全部都好大片仲系厚切，好够厚度，鱼油分布均匀，食落唔腥，唔会似平价食到有筋嘅位。淡雪盐吞拿鱼配饭有个花花形饼底，打卡一流，个摆盘都好靓好精致，个吞拿鱼特别有口感，味道啱啱好。另外要提一提个服务态度超好，食完个吞拿鱼饼手有油，员工就注意到即刻比湿纸巾抹手仲会好及时添茶，又会问你茶够唔够浓。鹅肝多士，鹅肝油脂分布均匀，食落唔油腻，唔干唔硬，有入口即化嘅感觉，有两粒黑豆清味用，食完鹅肝多士先食，味道清清甜甜，几好。澳洲龙虾，好大只，啖啖肉，肉质弹牙够新鲜，食落啲汁好鲜甜。海鲜茶碗蒸，都几大碗好足料，好啱钟意食海鲜嘅人。海鲜蚬清汤好饮，海带爽口，汤汁咸咸地然后味道回甘甜，正👍🏻烟肉香蒜炒饭，厨师个打蛋技巧好劲，够晒香口，啱啱炒起特别好食。甜品巨峰提子果冻，巨峰提子味超浓，果冻本身食落无味道，配搭提子汁香浓得嚟又带有清甜。