影片
更多
2023-02-14
77 浏览
🌟餐厅：鮨政 x 大湖📍地址：铜锣湾京士顿街9号Fashion Walk地下H2B号舖💰价位：～$800⏰营业时间：星期一至日12:00 - 21:00📱电话：3108 2191厨师发办既日本餐厅近年系香港越开越多，标榜住Omakase旗号，定价当然相对较高～有冇谂过可以用超亲民既价钱享受超高CP 值既正宗日本Omakase料理＋优质清酒？系咪好吸引呢！！今晚朋友就带我试呢间位于铜锣湾全新开业既Omakase餐厅 - 「鮨政 x 大湖清酒」，餐厅系由超过10年经验及曾远赴日本筑地任职Omakase料理厨师既年轻主厨 - 政师傅主理！特别一提，呢间「鮨政 x 大湖清酒」另一个特色就系联乘有350年历史既大湖清酒，始于1672年，于日本伊吹山下诞生，透过滋贺县传统手工既酿酒工艺，严谨细致酿制出高品质手工清酒！其中大湖特别纯米酒更连续多年获得伦敦清酒比赛既最高荣誉(白金奖)，米甘味持久，口感醇厚，重点系定价非常亲民，与「鮨政」理念相当吻合，故此联乘合作打造呢一间「鮨政 x 大湖清酒」！餐牌中最便宜既厨师发办八贯寿司定食只需HK$198，价钱定位真系超亲民！！而我地今晚就拣咗最矜贵个款HK$4
📍地址：铜锣湾京士顿街9号Fashion Walk地下H2B号舖
💰价位：～$800
⏰营业时间：星期一至日12:00 - 21:00
📱电话：3108 2191
厨师发办既日本餐厅近年系香港越开越多，标榜住Omakase旗号，定价当然相对较高～有冇谂过可以用超亲民既价钱享受超高CP 值既正宗日本Omakase料理＋优质清酒？系咪好吸引呢！！
今晚朋友就带我试呢间位于铜锣湾全新开业既Omakase餐厅 - 「鮨政 x 大湖清酒」，餐厅系由超过10年经验及曾远赴日本筑地任职Omakase料理厨师既年轻主厨 - 政师傅主理！
特别一提，呢间「鮨政 x 大湖清酒」另一个特色就系联乘有350年历史既大湖清酒，始于1672年，于日本伊吹山下诞生，透过滋贺县传统手工既酿酒工艺，严谨细致酿制出高品质手工清酒！其中大湖特别纯米酒更连续多年获得伦敦清酒比赛既最高荣誉(白金奖)，米甘味持久，口感醇厚，重点系定价非常亲民，与「鮨政」理念相当吻合，故此联乘合作打造呢一间「鮨政 x 大湖清酒」！
餐牌中最便宜既厨师发办八贯寿司定食只需HK$198，价钱定位真系超亲民！！而我地今晚就拣咗最矜贵个款HK$498 Omakase 套餐 及 HK$298 清酒配餐，今晚仲有幸获政师傅SERVE，SO NICE～
🌟HK$498 Omakase 套餐🌟 + 🍶HK$298 清酒配餐🍶
Omakase 套餐有齐前菜、刺身、烤物、寿司、汤品、甜品，真系超丰富超满足！
🔹水云醋物🔹茶碗蒸
🔹矶煮鲍鱼
🔹甘鲷立鳞烧
🔹刺身三款 (八爪鱼、赤虾及吞拿鱼中拖罗)
🍶清酒: 大湖大吟酿
💟师父以精致巧手既日式前菜揭开序幕～摆盘卖相好吸晴，食材新鲜，我最钟意矶煮鲍鱼同甘鲷立鳞烧！
❇️矶煮鲍鱼，师父即席以烟熏熏制，仪式感十足！够哂入味之余，口感亦好爽弹，相当出色～
❇️甘鲷立鳞烧，制作过程非常讲求油温控制，绝对系心机菜式！鱼鳞够酥脆，鱼肉滑顺而保持鲜嫩及鱼油香气！
🍶餐厅安排左大湖大吟酿配合呢几款前菜，入口比较清爽而唔会太浓郁，保留淡淡清香既米味，岩哂用黎搭配前菜～
🔹深海池鱼寿司🔹甜虾寿司
🔹真鲷寿司
🔹文甲鱿鱼寿司
🍶大湖纯米大吟酿
💟手握寿司更能突显师傅精湛既江户前料理技术！
我地先品尝味道比较清新既鱼类，特别钟意佢地既真鲷寿司，味道清淡优雅，肉质鲜甜富有弹性，必试！！
🍶餐厅今次安排左大湖纯米大吟酿配合呢几款寿司，入口同样地比较清爽，酒味唔会太浓，搭配白身鱼超夹啊～
🔹𫚕鱼寿司
🔹灸烧右口鱼边寿司
🔹穴子寿司
🍶大湖特别纯米酒
💟开始进入我最钟意既环节～鱼脂味丰富既鱼系我既最爱！
超钟意佢地既灸烧右口鱼边寿司，经火灸后渗出鱼油，香气扑鼻，入口即溶好满足～
🍶餐厅就提供左大湖特别纯米酒呢支得奖既清酒配餐～不愧为得奖作品，入口味道够哂香浓醇厚，仲带点清甜，好夹用黎配搭鱼油味充足既鱼肉！！
🔹飘雪红酒鹅肝吞拿鱼大拖罗寿司🍶大湖特别纯米酒 （生原酒）
💟餐厅另一主打既菜式～本以为会以一个吞拿鱼大拖罗寿司作结，师父随即拎出一件经红酒渍制既鹅肝，刨出一丝丝鹅肝碎洒上寿司，好浪漫既飘雪效果，令人惊艳！！绝对系打卡位！！浓浓油香既鹅肝搭配吞拿鱼大拖罗呢一个组合，够晒邪恶，入口每一啖都系浓浓嘅油脂味，超正，大推！！
🍶餐厅更特别安排左大湖特别纯米酒 （生原酒），入口更米香味比之前几款更浓郁及厚身，用黎配呢一个油香味爆登既寿司，简直系绝配～
🔹三色杯 （海胆、拖罗蓉及三文鱼籽）
🔹汤物
🍶大湖 本酿造
💟呢款三色杯卖相及制作方法够哂精致，打卡一流～师傅将厚厚既海胆、拖罗蓉及三文鱼籽逐层铺上，视觉效果100分，海胆及拖罗蓉入口够哂甘香鲜甜又绵滑，加埋三文鱼籽，口感一流，好满足！
🍶餐厅就提供大湖 本酿造搭配呢款三色杯，口感顺滑香醇，仲带点余韵添啊～
🔹飞雪鹅肝芝士豆腐🍶大湖 梅酒
💟最后当然系我最期待既甜品时间啦haha！师傅奉上自家制作芝士手工豆腐，入口够哂香滑及绵密，上层再加上红酒鹅肝碎，口感更加滑顺，味道更加香浓，超正！！真系谂起又想再食！！
🍶餐厅最后安排左大湖 梅酒作结搭配呢款甜品，梅酒清新带点微酸，解腻一流，口感顺滑香醇，为呢一餐丰富既料理划上一个完美既句号！
———————————————————😋味道：4.5/5
🏢环境：4.5/5
💁🏻♀️服务：4.5/5
💵价钱：4.5/5
🤟🏻性价比：4.5/5
———————————————————
👅整体小总结
Omakase食材新鲜且品质上乘，而且主打江户前omakase ，价钱定价同CP值均极高！！
另一个亮点就系呢度既清酒配餐同样好出色，价钱亲民之余仲搭配咁多款清酒去品尝每一道Omakase 料理，好味之余又学到品酒技术，大推！
每次食Omakase，其中一个享受地方就系同师傅既互动交流，年轻既政师傅风趣幽默，仲会同客人详细地讲解每一种食材及来源，态度超nice 而且笑容满面，够哂亲切，大推呢一间新晋Omakase店！
如果大家都想黎叹返个咁高质既omakase就记得要先致电预约呀！
张贴
