麵館皇

营业中

休息中

短短嘅一条登龙街云集各间有名拉面店，假日嚟到门口都排满人。今日嚟到唔洗等，但质素一d都唔会输嘅上海面店。 午市有套餐，汤面拌面或饭跟饮品，五十几，铜锣湾区嚟讲价钱算系咁。一间籍籍无名嘅上海面店系哩到生存，一定有佢嘅理由。眼见大部份顾客都叫药膳罐汤面，所以食佢一定无死。 药膳罐汤面以石锅上，令汤面热度食到尾仍然保持温度。个汤好掂，有药膳味，但唔系太浓，较易入口。饮到有杞子、鸡汤味，饮完唔口渴，绝对无味精。拉面有咬口，粗幼适中，而且几滑，见到厨房整紧面团，手工面食落特别有风味！ 醉鸡罐汤拉面，醉鸡好大碟，大约八件鸡，$53物有所值。醉鸡酒味够，唔会过浓，俾得多汁点，鸡件下有爽口青瓜。 糖醋鱼罐汤拉面，糖醋鱼炸得好香口，炸粉好薄，个皮好酥脆，唔油。糖醋汁酸酸甜甜，好开胃，配埋炸鱼好夹！ 配餐嘅豆浆就甜左少少。哩到绝对系铜锣湾嘅平价开饭天堂。