味道

营业中

休息中

去咗上环人气排队小店「味道」，去到见到个餐牌就会有选择恐惧症，因为有齐日韩泰越嘅菜式选择，仲有一个系港式嘅主食，最多人推荐嘅系佢哋嘅招牌菜炸鸡髀配泰式冬阴功河粉同埋越式香茅葱油猪扒煎蛋饭。星期五晚去到舖头都仲好多人排队，人气都好高。我哋食咗两个 signature主食 ，一杯泰式奶茶，再饮返杯青柠檬梳打平衡下冬阴功汤嘅味道，另外仲有一个炭烧猪肉串烧做小食。炸鸡髀配冬阴功河系一个几特别嘅配搭，本身生炸鸡髀系好港式嘢感觉，冬阴功系泰式嘢，满足到两个愿望都唔错，个炸鸡髀手掌咁大只，虽然自己衰钟意食嘅嘢摆到最尾先食，但系隔咗大半个钟头先食都依然都仲好 juicy，佢嘅外皮唔系厚厚炸浆炸出嚟𠮶只，而系薄脆嘅生炸外皮，佢嘅肉质因为生炸嘅关系保持到嫩滑，冬阴功同炸鸡髀好似有啲南辕北辙嘅感觉，但系食落又冇咩违和感，冬阴功微辣，所以饮过梳打水中和下就啱啱好，个河粉唔系阔河粉有少少可惜，因为我去过泰国之后爱上左阔河粉，不过始终传统河粉配汤应该都系match啲，而佢个河粉配冬阴功都系好味嘅，食完之后觉得如果一啖河粉一嚿鸡髀咁样食好似有风味啲。至于个香茅葱油猪扒煎蛋饭，蛋系太阳蛋轻微煎个㶶边，我觉得再㶶啲会更