家賀屋

今日同朋友嚟铜锣湾食好啲嘅日本菜，网上好多人推介呢间家贺屋，食材新鲜，高质性价比高嘅日本菜！餐厅环境舒适，座位阔落，格调高级，好适合同朋友嚟叙旧，倾吓偈。我哋嗌咗个浅瀬本赤身丼定食、极丼-月见海胆 三文鱼籽 本鲔鱼腩蓉、同埋特选鲔盛，全部都好高水准，好似去咗日本鱼市场食新鲜鱼生一样！浅瀬本赤身丼定食选用新鲜吞拿鱼，鲜红肉色，非常新鲜，而且仲系厚切，都几抵食，配埋吞拿鱼蓉送饭好夹，最正嘅系连饭都系用特定嘅醋混合而成，非常有心思！极丼都一样，新鲜嘅海胆配吞拿鱼蓉，再加埋三文鱼籽同埋生鸡蛋，捞饭真系一流，令人食唔停口！极力推荐特选鲔盛，因为真系几抵食，特别系大本鲔鱼腩，油脂分布均匀，入口啲鱼有好似涌出嚟咁，超级淋，入口即溶，同喺日本鱼市场新鲜食嘅寿司一模一样！